Accessibility links

шимбә, 10 декабрь 2016, Казан вакыты 09:57

İran tışqı eşlär ministrlığı Tährannıñ Britaniädäge ilçese üz urınına qayta dip belderde


Ministrlıq wäkile Xämit Riza Asefi äytüençä, ilçe Morteza Sarmadi İrannıñ Argentinadağı elekke ilçese Hadi Söläymanpurnıñ uzğan ayda Britaniädä totqarlanuı turında söyläşüdän soñ bügen Londonğa kitkän. Britaniä xakimiätläre Söläymanpurnı Argentina sorawı nigezendä qulğa alğan ide. Argentina Söläymanpurnı 1994-nçe yılda Buenos Airesta Yähüdlär üzägen şartlatuğa qatnaşuda ğäyepli. Ul şartlawda 85 keşe hälak buldı. İran Söläymanpurnıñ ğäyebe yuq dip täqrarlıy. Älege qulğa aludan soñ Britaniä belän İran arasındağı mönäsäbätlär kierenkeläşep kitte häm Tährandağı Britaniä ilçelegenä utlı qoraldan atu da buldı. Näticädä Britaniäneñ İrandağı wäkilçelege bilgesez waqıtqa qädär yabıldı.

XS
SM
MD
LG