Accessibility links

Кайнар хәбәр

AQŞ däwlät sekretare Colin Powell fälestinlelärneñ yaña premyer ministrı kem genä bulmasın, ul terrorçı törkemnärgä qarşı tora alırlıq keşe bulırğa tieş dide


Fälestin premyer-ministrı Mäxmüt Abbas wazıyfasınnan çigengännän soñ Powell Quşma Ştatlarnıñ ABC televideniese aşa çığış yasadı. Powell yaña premyer ministr fälestinlelärneñ barlıq iminlek köçlären üz qulına alırğa tieş häm terrorçı oyışmalarnı bastıru öçen Fälestin parlamentınnan nıqlı yaqlawğa iä bulırğa tieş dide. Kiçä häm bügen Abbas üz wazıyfasında qalırğa mömkin digän imeş-mimeşlär taralğan ide. Ämma bügen Abbas cämäğätçelekkä kitü turında täğäyen qarar qabul itkänen belderde. İzrail' tışqı eşlär ministrı Silvan Şalom urtaçıl Abbasnıñ kitüe säbäple Fälestin citäkçese Yassir Arafatnı basıp alınğan fälestin cirlärennän çığarıp cibärergä çaqırdı. Abbasnıñ kitüe Yaqın Könçığışta tınıçlıq urnaştıru turında, xalıqara yaqlawğa iä bulğan, "solıx yulı" dip atalğan plan tiräsendäge bilgesezlekne tağın da arttırdı.
XS
SM
MD
LG