Accessibility links

Кайнар хәбәр

Ğiraqnıñ waqıtlı xökümäte wäkile Ğäräp Ligası oçraşuwında qatnaşırğa cıyına


Ğiraqnı torğızu, anı üz könen üze kürä torğan däwlät itep tanıtu eşen amerikannar ğına tügel, ilneñ waqıtlı xökümäte dä alıp bara. Anda tışqı eşlär ministrı wazifaların ütägän Xoşyar Zöbari bu atnada Qahirägä barıp, ğäräp illäre Ligasınıñ utırışında qatnaşırğa cıyına.

Ğiraqnıñ waqıtlı xökümäte, amerikannar bilgelägän näq şundıy uq Waqıtlı idarä şurası tarafınnan raslanğan ide, xörmätle tıñlawçılar. Ul turıdan-turı Şuradağı wäzğiatne çağıldıra, yäğni ministrlar sanı anda Şura äğzaları sanına tiñ, häm alar da Ğiraqtağı töp säyäsi köçlärne wäkillek itä. Tışqı eşlär öçen cawaplı Xoşyar Zöbari xökümätkä Ğiraq kördlärennän bilgelände, häm anıñ xäzer Qahirägä baruwı, ilneñ waqıtlı xökümäte öçen xalıqara mäydandağı berençe ğämäle bulıp tora. İnde äytelgänçä, Mısır başqalasında bu atnada, Ğäräp illäre Ligasınıñ tışqı eşlär ministrları däräcäsendä oçraşuwı uza, Saddam bärep töşerelgännän soñ Ğiraqnıñ şuşı ğomumğäräp oyışmasındağı urını buş kileş tora ide. Wäzğiatneñ qızıq yağı şunda, Ğäräp Ligası Bagdadtağı xäzerge waqıtlı xakimiatne räsmän tanudan baş tarttı, ul Ğiraqta çit il köçläre tarafınnan tügel, ä xalıq saylawı belän urnaştırılğan xakimiatne genä tanırğa cıyınuwın äytte. Şuña da qaramastan Xoşyar Zöbari Qahirägä baraçağın häm oçraşuda qatnaşaçağın belderde.

Audio, Xoşyar Zöbari

"İdarä Şurası bezne sintäbrneñ 9-ında Qahirädä bulaçaq ministrlar oçraşuwında qatnaşuwıbıznı ütende, bez Ğäräp Ligasınıñ general'' sekretare Ämr Musağa şul kiñäşmädä qatnaşırğa teläwebezne citkerdek" dip belderä Ğiraqnıñ waqıtlı xökümätendä tışqı eşlär öçen cawaplı ministr. Anıñ süzlärenä qarağanda, Ğiraqtağı xakimiat Mısırğa barıp üzen tanıtu yulların ezlärgä cıyınmıy, ul barı tik, Ğiraqtağı xaqiqi idarä bularaq Ğäräp Ligasındağı üz urının ğına ala. "Bezneñ äğzalıq anda ğämäldän çığarılmadı häm şuña kürä bez Qahirägä uñay möğämälä belän barabız" di Ğiraqnıñ uzğan çärşämbedä üz wazifaların ütäwgä kereşkän tışqı eşlär ministrı Zöbari. Mısırğa ul Küwäyt aşa bara, andağı söyläşülärendä Ğiraq wäkile üz ileneñ Ğäräp Ligasındağı urının problemalarsız ğına saqlap qaluwın häm anıñ Bagdadtağı waqıtlı xökümätkä birelüwen garantiälärgä teli. Farsı qultığınnan kilgän xäbärlärgä qarağanda, andağı ğäräp illäre moña nigezdä qarşı tügel. Ä inde Ğäräp Ligası citäkçelegenä kilgändä, anıñ general'' sekretare Ämr Musa, oyışma axırğı çiktä Ğiraqtağı waqıtlı idarä şurasın ilneñ xaqiqi xakimiate itep tanıy ala, läkin monı barı tik kiñäşmädä qatnaşaçaq ministrlar ğına xäl itä ala dip belderde. Zöbari Qahirädä ğomumğäräp oçraşuwında qatnaşu belän genä çiklänergä cıyınmıy, anda ul ayırım illärneñ ministrları belän Ğiraq çigen saqlawnı nığıtu, anıñ aşa ilgä törle radikallarnıñ kerüwenä kirtä quyu yulların da tikşerergä teli. "Ğiraqta inde bolay da yözlägän çit il terroristı bar" dip isäpli ilneñ tışqı eşlär ministrı, Kördstan demokratik partiäse wäkile Xoşyar Zöbari. Ul şulay uq üz ileneñ Berläşkän Millätlär Oyışmasınıñ New Yorkta uzaçaq Ğomumi Mäclesendä qatnaşaçağın häm Farsı qultığındağı ğäräp illärendä, Quşma Ştatlarda häm Britaniädä yaqın aralarda Ğiraqtağı yaña xakimiatneñ ilçeleklären açırğa teläwen dä xäbär itte.

Kärim Kamal, Praga
XS
SM
MD
LG