Accessibility links

пәнҗешәмбе, 8 декабрь 2016, Казан вакыты 11:10

Y.Arafat yaña premier bilgeläde


Fälästin citäkçese Yasir Arafat atna azağında premierlek postınnan çigengän M.Abbasnıñ urınına fälästin parlamentınıñ räi''se Axmäd Qurei-nı bilgeläde. Qureineñ bilgelänüe PLOnıñ başqarma komitetı häm Arafatnıñ Fatax firqası tarafınnan raslansa da ,Qurei AQŞları häm Yevropa tarafınnan yaqlanaçaq digän garantiälär alğan oçraqta ğına postnı qabul itäçägen belderde.

Reformalar kertep, yaqın könçığış tınıçlıq planıñ ğämälgä quyarğa telägän M.Abbas şimbädä Y.Arafat minem tırışlarıma kirtä saldı, İzrael häm Amerika mine citärlek yaqlamadı digän şiqäyätlär belän urınınnan kitte.Y.Arafat qaybäräülär kötkäneçä xökümätne tözü eşen yañadan Abbasqa birmäde ä ul parlament räise Abu Ala iseme belän yöretelgän Axmed Qureinı premier itep bilgeläde. , Abbas kebek Abu Ala da eleke bankir, ul 1993-nçe yılda Oslo tınıçlıq kileşüen İzrael yağı belän söyläşkän diplomatlardan berse, urta yulda toruçı dip belengän Qurei ğadi fälästinnär arasında ällä ni yaqlanğan keşe tügel Qurei premierlek postın qabul itüe turında açıq itep äytmäde küräsen ul Abbas xälendä qalırğa telämi . Anıñ süzlärençä(audio) tınıçılq protsesına qatnaşqan barlıq taraflarnıñ pozitsiäsen belergä tieşmem , alar fälästinnärdän närsä teli, İzrael närsä teli , närsä täqdim itä. Min amerikan yağı nindi garantiälär birä, nindi yaqlau birä şunı belergä telim Yevropalılar , AQŞ, Yevropa Berlege ,BMO häm Russiädän torğan kuartet nindi garantiä, nindi yaqlau birä , min xata yasarğa telämim, eşbarıp çığamı yuqmı belergä telim. Arafat Qurei turında qararın açıqlağannan soñ şunduq diärlek İzrael Gaza Sızığında Hamasneñ qoral lagerı itep qullanğan binanı bombaladı. 15keşe yaralandı dip belderde fälästin yağı. Hämäsneñ ruxi citäkçse şeyx Yasin dä ciñelçä qulınnan yaralandı şul höcümdä . Yasin här kem İzraelgä qarşı suğışqa äzer dip belderde.Ul barlıq firqalar üç alu eşendä xezmätäşlek itäçäk dip söyläde. Premier A.Sharon da Hämäsneñ böten citäkçeläre ütereläçäk bez alarnı awlarğa däwam itäçäkbez, çönki alarnıñ ber genä mäqsatı bar, ul İzraelne cimerü dip äytkän Yediot Ahronot basmasına birgän ängämäsendä.AQŞ däwlät sekretarı C.Powell yäkşämbedä Waşingtonda NBC televidiesendä yasağan çığışında şeyx yasinnı üterü tırışlığına qarata bolay dip äytte(audio) bez bu säyäsätne yaqlamıybız. Bu aksiälärne bez ber qayçan da yaqlamadıq. İzrael bu aksiälärne zarur dip uylıy.Bez izraelle kollegalarıbızğa här waqıt ğäyeple keşelär artınnan barıp, gönahsız keşelärne yaralağan bu aksiälärneñ ozın möddätle näticäse turında uylarğa , bu çaralar belän kiläçäktä kübräk Hämäs ütürüçeläre barlıqqa kitermisezme dip uylarğa kiñäş itäbez. C.Powell Waşington tınıçlıq planın ğämälgä quyaçaq , terror höcümnären tuqtataçaq kem genä bulmasın fälästin xalqınıñ premiäre belän söyläşülär alıp barırğa däwam itäçäk dip söyläde. Qureineñ Abbas xälendä qalırğa telämägäne añlaşıla. Ul düşämbedä AQŞ vä yevropa diplomatları şulsanda Russiäneñ yaqın könçığış öçen wäkile , Misır konsılı belän oçraşular alıp bardı.Yevropa Berlegeneñ tışqı mäsälälär koordinatorı J.Solananıñ yaqlauın aldı dip äytep bula . İzrael tışqı eşlär minsitırlığı süzçese Yoni Peled Qurei turında ällä ni fiker beyan itmäde.Ul şäxes tügel ä anıñ ni eşliäçäge möhim, bez tınıçlıq häm terror çeltären taratu belän şägellängän fäläsetin xökümäte häm premiere kürergä telibez dip söyläde. Ämma İzrael radiosı tışqı eşlär ministırı Silvan Shalomnıñ Powell belän ütkärgän telefon ängämäsendä , ber närsä dä üzgärmiäçäk, çönki Arafat dilbegäne qulında tota digän süzlären sitat itep kiterde.Abbasnıñ uñışsızlqqa duçar bulaçağı , anıñ Arafat belän barğan xakimiät köräşen yuğaltaçağı kürenep tordı.Axmäd Qurei premierlek postın qabul itsä uñışqa ireşä alamı digän sorauğa, pessimist qaraştan çığıp möğcizä bulsa äyye dip äyter idem

färidä xämit, praga
XS
SM
MD
LG