Accessibility links

сишәмбе, 6 декабрь 2016, Казан вакыты 04:01

Latin mäs’äläse qabat kiçekterelä...


Tatarstan prokurorı, Tatarstan Däwlät Şurasına kisätü cibärep, respublikanıñ latin grafikası turındağı qanunın Rusiä qanunı belän täñgälläşterüne taläp itä. Bu taläp qänäğätländerelgän oçraqta, latin grafikası turındağı qanun ğomumän ğämäldän çığarıla. Tatarstan deputatları bu xäldän niçek çığarğa uylıy soñ? Däwlät Şurası Rusiä Konstitutsion mäxkämäsenä möräcäğäten kiçekterep torırğa bulğan. Häm bu mäs’älä 11nçe sintäberdä qabat cıyılaçaq parlament utırışında qaralmayaçaq. Däwlät Şurasınıñ fän, mäğärif häm milli mäs’älälär komissiäseneñ 9nçı sintäberdä ütkän utırışına kön tärtibenä bu mäs’älä kertelgän bulsa da, ul da axır çiktä anda qaralmadı. Latin grafikasın tıya torğan qanunnıñ Rusiä konstitutsiäsenä turı kilüen tikşerergä uylağan deputatlarlar ni säbäple kire uylağan? Bu xaqta daimi komissiäseneñ başlığı Razil Wäliev belän söyläştek.

: «Rusiä Konstitutsion mäxkämäsendä Tatarstannıñ berniçä täqdime yata inde, alar qaralmıyça, östämä mäs’älälär kertelü kiräk tügel, dip qarar itelde. Mäxkämä qararı bezne qänäğätländermäsä, bez xalıqara oyışmalarğa möräcäğät itärgä mäcbür bulabız. »

Parlament komissiäseneñ utırışında şulay uq, berniçä Rusiä qanun çığaru cıyılışınıñ qanunı täqdimnäre dä qaraldı. Mäsälän, Mäskäw ölkäseneñ Duması Rusiäneñ «Mäğärif turında»ğı qanunına tözätmälär täqdim itä. Elek fän kandidatı häm doktor digän fänni däräcä öçen 300 häm 500 sumlıq östämä tüläwlär qaralğan bulsa, deputatlar alarnı 3 tapqırğa arttırırğa teli. Bu täqdimne parlamentnıñ fän, mäğärif komissiäse xupladı häm barlıq täqdimnärne 11nçe sintäberdä cıyılaçaq parlament utırışına çığarırğa qarar itte.

Bikä Timerova.

XS
SM
MD
LG