Accessibility links

сишәмбе, 6 декабрь 2016, Казан вакыты 15:17

Yaqın Könçığışta yaña terror ğämälläre..


Sişämbedä fälästinnär oyıştırğan 2ayrım intihar höcümendä 15keşeneñ häläk buluı,50dän artıq keşeneñ yaralanuınnan soñ,premier Sharon Hindistan säfären qısqartıp öyenä qaytıp kitte.İzrael oçqıçları bugen Gaza şährendä Hamasnıñ ölkän citäkçeseneñ yortın bombaladı.Yaqın könçığıştağı sonğı raund köç qullanular ''yul xaritası''dip yöretelgän tınıçlıq planınıñ yazmışı turında soraular tudıra.

Sişämbedä fälästinle intihar terrorçıları 5-6 säğät ara belän ike höcüm oyıştırdı. berençe häcüm kiç qırın Tel Aviv yaqınında Rişon Letzionda xärbilär aftobus kötkän tuqtalışta oyıştırılsa ikençese tönnä Yerusalemdä ber kafedä buldı. Fälästinnär ber berse artınnan intihar höcümnäre oyıştırsa da , ber köndä ikene oyıştıru yañalıq bulıp tora. 15izraelleneñ häläk buluı häm 50dän artığınıñ yaralanuına cawap itep bügen İzrael oçqıçları Gazada Hamas citäkçelärennän berse-Mäxmud Zaxarnıñ öyen bombaladı.Zahar ciñelçä yaralansa da bu häcümdä anıñ ulı häm tänsaqçısı ülde.20läp keşe yaralandı. Al Zaharnıñ öye yanında cıyılğan meñnnärçä fälästinle (audio) üç alu şiğarları qıçqırdı. Tel aviv häm Yerusalem höcümnäre öçen ber törkem dä cawaplılıqnı üz östenä almadı.Ämma hamas izraelneñ fälästinnärgä yasağan cinayätlär öçen üç alu waqıtı dip äytte.Ütkän ayda atışlarnı tuqtatu kileşüe köçtän çıqqannnan soñ ike yaq berbersen ğäyepläp kilä. İzrael fälästin citäkçelege terrorçılarnı tuqtatmağan öçen höcüm oyıştırabız dip üzen aqlıy. Fälästin yağı üz argumentların alğa sörä. Premier itep bilgelängän Axmäd Qurei bugen ( audio) prezident Arafat minem xökümät oyıştıru eşen yöklänewmne soradı . Min krizis häm problemalarğa xäl çarası tabu öçen qabul ittem.Min täväkkällek itergä , cawaplılıq alırğa riza buldım . İntihar höcümnäre turında yaña premier bolay dide (audio) bez fälästin citäkçelege bularaq intihar höcümnären nıq xökem itäbez. Bu akt faydalı tügel. Bu Fälästin xalqı häm anıñ citäkçelege mänfäğätlärenä qarşı , bez bu tör aktlarğa çıdamlıq kürsätmibez. Fälästin prezidentı Arafat ta moñı bik nıq xökem itkän belderü yasadı. Qurei İzrael köç qullanunı tuqtatu turında söyläşülär başlarğa tieş , problemanı çişü iminlek urnaştıru turında ciddi uylarğa kiräk, bu berdänber yul bez xezmätäşlek itergä äzer dip söyläde.Yasir Arafatnıñ ölkän kiñäşeçe Abu Rdeineh dä Gazağa yasalğan höcümne xökem itep, fälästin citäkçeläre İzrael belän fälästinnär arasında barğan köç qullanu tsiklın tuqtatu öçen iñ yuğarı däräcädä çittän qatnaşuçılar bulırğa tieş dip qarıy dide . Şul arada Hamasnıñ xärbi qanatı İzzeddin al qassam xabär agentlıqlarına cibärgän belderüendä zionistlarnıñ yort binaların cimeräçägen belderä.Hindistanda säfärdä yöregän premier Sharon terror höcümnärennän soñ vizitın qısqartırğa qarar birep ber kön elek öyenä qaytıp kitte .Bügen ul Dählidä bizenesmennär aldında yasağan çığışında iminlek häm totrıqlılıqqa ireşü öçen här törle tırışlıq kürsätäçägen häm monıñ täbäktä solıxqa alıp barır dip ömed itüen äytte. Ämma premier politik protsessnıñ alğa taba baruı öçen terror, doşmalıqlar tämam tuqtalırğa tieş dip tä östäde. İzrael tışqı eşlär minsitırlığı süzçese , premier qaytqaç ta kabinet utırışı bulaçaq , anda terror höcümnärenä bireläçäk cawap qına tügel ä monnan soñ nindi yul saylau turında da söyläşülär bulaçaq dip äytte.Yaqın könçığışta yañadan terror dulqını kütärelgäç zur ömedlär uyatqan AQŞ, Yevropa berlege , BMO häm Russiä tarafınnan yaqlanğan tınıçlıq planınıñ yazmışı nindi bulaçaq mikän digän soraular quyıla.

färidä xämit, praga
XS
SM
MD
LG