Kibettä axiräte belän alış bireştä yöregän Şwedsiäneñ popular säyäsätçese Anna Lindhnı ber niçä urınınnan pıçaqlağan bilgesez keşe qaçıp kitä.Awır yaralanğan Lindqa xästäxänädä operatsiälär yasalsa da, bawırı nıq zianlanğan ministırnı qotqarıp bulmıy, irtänge säğätlärdä ul vafat bula. İnsident yäkşämbedä şwedisädä yevronı qabul itü itmäw turında ütkäreläçäk referendumğa ber niçä kön qalğanda buldı.Anna Lindh Yevropa Berlegeneñ aqça beremlege yevronıñ qabul itelüe öçen kampaniä alıp bardı . Fiker beleşülär şwedlärneñ yevronı kire qağaçağın kürsätep kilde. Yevro, referndumnıñ cinayät belän bäyläneşe barmı, älegä bilgesez. Ämma yevronı ayqlauçılar da,q arşı buluçılar da Anna Lindhqa xörmät kürsätep kampaniälären tuqtattı. Bügen premier Goran Persson Stokgolmdä ( audio) Min Şwedsiä tışqı eşlär ministırı Anna Lindnıñ vafatı turındağı qayğılı xäbärne aldım, Ul bugün irtän 5.29da alğan yaraları säbäple vafat buldı. Min anıñ ğailäse, xeläl cifäte, balaları häm başqa yaqınnarınıñ qayğısın urtaqlaşam. Moñı añlau bik qıyın.
Yevropa Berlege illäreneñ tışqı eşlär ministırları kollegaları Anna Lindhnıñ üleme, anıñ cinayät qorbanı buluına şaqqatıp, qayğı urtaqlaştı.Tönyaq illärendäge traditsiägä esasän säyäsätçe Anna Lindht ta metro, aftobusta , kibetlärdä tän saqçısız yöri ide .Bu xaqta Şwedsiäneñ TT xabär agentlığınıñ politik mäsälälär xabärçese Mats Ericsson bolay di: (audio) Stokgolm uramnarında ministırlarnı oçratıp-, teläsän alar belän söyläşep bula ide Bu bik räxät ide , monnan soñ bu üzgäräçäk Şwedsiädä 86-nçe yılda premier Olof Palme xatını belän kinodan qaytıp kilgändä atıp üterelde, Bu cinayät ber qayçan da yaxşılap yaqtırtıla almasa da, Şwedsiädä iminlek säyäsäte qırıslatılmıdı.
Palme dä Lindh ta sotsial demokratlar partiäsennän häm ikese dä xalıq arasında popular keşelär ide. Lindnıñ üterelüe yäkşämbedäge yevro referendumına täsir itärme äytüe qıyın. Ämma qayçaqta ülgän keşe, aña qarata simpatiäneñ artuı waqıyğälärgä täsir itä ala. Misal öçen Niederlandta ütkän yılda ütä uñ säyäsätçeneñ atıp üterelüe, saylaularda partiäneñ kötelgännän kübräk tawış aluına säbäp buldı. Şwedsiädä 46yäşlek popular säyätçeneñ pıçaqlanıp üterelüe , demokratik açıqlıq,, xakimiättä utırıruçılarnıñ xalıq belän aralaşu, yaqınlığın ällä ni kimetmäs dip ömedlänik.
färide xämit, praga
färide xämit, praga