Accessibility links

Кайнар хәбәр

Arafatnı närsä kötä?


Saddam Xösäin rejimınıñ cimerelüe häm fälästinnär belän izrael arasında tınıçlıq urnaştıru mäqsatın quyğan AQŞ yaqlağan plannıñ iğlan itelüennän soñ yaqın könçığışta saqlıqlı optimizm xökem sörä başladı. Ämma sonğı könnärdä fälästinnär belän izraellelärneñ çiksez köç qullanuları, fälästin premiereneñ çigenüe häm İzrael xökümäteneñ Y.Arafatnı çitlätü turında qarar qabul itüe belän yaqın könçığışta wazğiät yañadan qatmarlanıp kitte.

G. Bush administratsiäse Saddam rejimınıñ bärep töşerelüennän soñ ,İzrael belän fälästinnär arasında tınıçlıq urnaştıru qulıyraq bulır dip uylağandır. Çönki 91-nçe yılda Farsı Qultığı suğışı Osloda fälästinnär belän İzraelneñ kileşügä ireşülärenä yardäm itkän ide. Şulay itep may başlarında G.Bush yul xaritası dip yöretelgän tınıçlıq planın iğlan itä. 2005nçe yılda Fälästin däwläteneñ oyışuın küzdä totqan plan AQŞ, Russiä,Yevropa Berlege häm BMO tarafınnan äzerlände. Ämma bugen yaqın könçığıştağı xällärgä qarap, tınıçlıq planı turında süz dä quzğatıp bulmıy, küplär qaraşınça plan ülgän,yäki ülem tüşägendä yata.İzraelneñ Hamas citäkçesen üterüenä cawap itep, fälästin radikal törkemnäre üzläreneñ ber yaqlı 7 atnalıq atışlarnı tuqtatu kileşüen köçtän çığarıp, intihar höcümnären başlattı. 19augustta aftobusta 22 keşeneñ üterelüenä cawap itep İzrael üç alu häcümnärenä kereşte. Şul arada Waşingtonnıñ zur ömedlär bağlağan fälästin premiere Mäxmud Abbasnıñ tınıçlıqqa şans tanımadılar dip Arafat vä İzraelne ğäyepläp urınınnan kitüe eşlärne tağı da qatmarlandırdı. Tınıçlıq planınıñ körçekkä teräläüenä Abbas äytmeşle Arafat belän İzrael genä tügel ä küp kenä küzätüçelär yähud utarları tözüne tuqtatsın, fälästinnärneñ tormışın qulaylaştırğan çaralar kürsen dip İzraelgä basım yasamağan Bush administratsiäsen dä ğäyepli.Sişämbedä fälästinnär ike intihar höcüme oyıştırıp 15izraellene üterde. Çärşämbedä İzrael oçqıçları Hämäs citäkçesen üterergä omtılğanda ike fälästinle häläk buldı. Pändeşämbedä izrael kabinetınıñ Y.Arafatnı çitlätü bälkim dä sörgengä cibärü turındağı qararı böten dönyada şau-şuğa säbäp buldı.İzrael kabinetında terrornı yaqlauçı Arfatnı quıp çığaru turındağı fikerlär yaña tügel. Saqlanu ministırı Shaul Mofaz süzlärençä(audio) İminlek kabinetı ütkän töndä kirtä bulıp torğan Arfatnı quıp çığaru turında qarar qabul itte. Anıñ waqtı häm räweşe turında ayruça qarar çığarılaçaq Arafat här törle prosesta töp kirtä bulıp tora. Sharon kiñäşese Zalman Shoval Arafat tiskäre rol uynıy digän mäsälädä AQŞ belän İzrael arasında bernindi kileşmäüçänlek yuq.Ul M.Abbasnıñ tırışılqların zäğiflätte, yaña premiärneñ dä eşçänlegen boza başlayaçaq dip söyläde. Yevropa Berlege Arfatnı exilge cibärü bik zur xata bulaçaq dip belderde. BMOnıñ general sekertarı Kofi Annan, häm başqa bik küp illär näk şul fikrene qabatlıylar. Quşma Ştatlarında Däwlät departamentı süzçese Richard Boucher (audio) Bezneñ Y.Arafatqa qaraşıbız üzgärmäde.Bezneñ fikerebezçä ul xäl çarasınıñ tügel ä problemanıñ ber öleşe bulıp tora.Ber yk waqıtta bez anı sörgengä cibärü yardäm itär dip uylamıybız, kiresençä bu aña uynau öçen yaña säxnä genä biräçäk. Premier itep bilgelängän Axmäd Qurei fälästin kabinetın oyıştıru eşen tuqtattı, Ul Arfatnı ququ yaqın könçığışnı şartlataçaq dip äytkän. Fälästin wäkile Saeb Erakat älege şartlarda ber nindi xökümät tözelä almıy dide. Yasir Arfat üze isä (audio) bu izge urın, beräü dä mine monnan qua almıy dip belderde yaqlauçlarına .Könbatış Üzänendä Arafatnı yaqlap meñnärçä keşe demonstratsiä ütkärä.İzrael xökümätendä Arafat, Könbatış Üzäne yäki Gazada torğan möddätçe alternativ fälästin citäkçelegeneñ barlıqqa kilüenä yul quymayaçaq digän fikerlär küptännän bar. Ämma añı sörgengä cibärü , Arafat yañadan xalıqara säxnägä qayta digän süz. Bu bälkim dä anıñ cafalanğan revolutsiä citäkçese imiçın köçländerer ide,

färidä xämit,praga
XS
SM
MD
LG