Accessibility links

дүшәмбе, 5 декабрь 2016, Казан вакыты 17:47

Tatar gäcitläre tawar tügel ?!


“Mädäni comğa” gäcite yuqmı? - şuşı ğadi soraw belän Kirov rayonınıñ Xalturin uramında urnaşqan öçençe kiosknıñ näni täräzäsenä küzläremne tekädem.

- Yuq.

- Ä “Tatarstan yäşläre”?

- İkäw genä ide, bette.

- Alay bulğaç, “İdel” jurnalınıñ sigezençe sanın biregez.

-Anısı bötenläy kilmi...

Dürtençe kioskqa yul tottım.

- “Tatarstan yäşläre”n biregez äle, - dim satuçı apağa.

- Çe?!

- Eto gazeta takaya, tatarskaya.

- Ne znayu takuyu.

Satuçılardan menä şundıyraq cawaplar işetelde. Elekke yıllarda, bar närsä dä däwlätneke bulğanda, tatar gäzitläre bulmağan kiosk yuq ide. Jurnallarnı da şunnan uq alıp uqıy idek. Kommersiä strukturaları kiosklarnı da üz qoçağına señderde şul. Nindi genä gäzit-jurnallar yuq biredä! “Spid-info”, “Ekspress-gazeta”, “AİF-Lyubov'”, “Afrodita”... Şärälek, “täti qızlar” iñ berençe bittä qomsız qaraşları belän sine borawlıy. Yäp-yäş qızlar seks turında ğına bulğan basmalarnı uqıp räxätlänä.

Ä menä xalqıbıznıñ mädäniäte belän tanışası kilgännär nişläsen? Şähär basması (Ğorpeçat’) direktorı İldar Yunısov bilgeläp ütkänçä, Qazanda küp kenä kommersiä firmaları gäcit-jurnallarnı berämläp tä, küpläp tä sata ikän. Mäsälän, “Ekspress-peçat”, “Mir pressı”, “Press-kuryer” digän oyışmalarnıñ kioskları tatar gäcit-jurnalların bik siräk aldırtalar. Alar bu basmalarnı almawların töşemsez buluı belän añlatalar. Qazanda tatar gäcit-jurnalların Şähär basması (Ğorpeçat) kiosklarında ğına satıp alırğa mömkin. Tatarstan başqalasında andıylarnıñ sanı 120gә yaqın. Äytep ütärgä kiräk, 10-15 yıl elek alarnıñ sanı küpkä artığraq ide. Xäzer isä ul kiosklarnıñ kübesendä sağızlar ğına satıla...

Tatar basmaları da satuda bulırğa tieş. Şuña kürä bez tatar gäcit-jurnalların üz kiosklarıbızda Qazan uquçılarına taratırğa tırışabız. Kem dä bulsa bu eşne başqarırğa tieş bit inde, dip añlattı İldar Yunısov.

Äye. Tatar matbuğatı görläp eşläp tora. Härber qazanlı da waqıtlı matbuğatqa yazıla almıy. Ä menä yul uñayında utırğan kioskqa kilep “Şähri Qazan”, “Mäğrifät” gazetaların, “Söyembikä”, “İdel” jurnalların ansat qına qulına kertä ala bit ğadi Qazan uquçısı. Bezneñ bit şähär külämendä telebezne üsterü öçen eşlängän programmalarıbız da bar. Ä tatar keşeläre, tatar yäşläre rus telendäge “şärä” gäcitlärne genä uqısa, nindi ana tele turında süz yörtergä mömkin? Öyenä dä tatar gäcit-jurnalların aldırmağan, satıp ta ala almağan Qazan keşesenä nişlärgä qala soñ?

Diana İbrahimova

XS
SM
MD
LG