Accessibility links

чәршәмбе, 7 декабрь 2016, Казан вакыты 13:46

Blair, Schroeder häm Chirac Ğiraq mäsäläsendä urtaq fikerlär taptı


Bügen Berlinda Britaniä, Fransiä häm Germaniäneñ yuğarı däräcädä oçraşuwı ütte. 3 il citäkçese – Ğiraqtağı xakimiätne mömkin qädär tizräk ğiraqlılarnıñ üzlärenä tapşırırğa, ä ilne tözekländerüdä Berläşkän Millätlär töp rol' uynarğa tieş, dip kileşte. Söyläşülärdän soñ ütkän matbuğat oçraşuında Britan premier-ministrı Tony Blair bolay dide:

Audio "Ğiraq mäsäläsenä kilgändä, Germaniä kanslerı äytkänçä, nindi genä qarşılıqlar bulmasın, bez barıbız da totrıqlı Ğiraq kürergä telibez. Xakimiätneñ, mömkin qädär tizräk, demokratik xökümät qulına küçüen telibez. Häm dä barıbız da, Berläşkän Millätlärneñ töp rol' başqaruwın telibez."

Germaniä kanslerı Gerhard Şröder, Ğiraq turında yaña rezolutsiäne äle tikşeräse bar, dide. Şröder da, Fransiä prezidentı Jacques Chirac ta, Waşington tarafınnan äzerlängän bu rezolutsiädä, ğiraqlılarğa xakimiät tapşıru citärlek däräcädä tiz qaralmağan, dip sanıy. Chirac süzlärençä, bu 3 däwlät ber yünäleştä barsa da, berayqtan, Parij belän Berlin, ikençe yaqtan London arasında, Ğiraqnıñ küçeş çorı mäsäläsendä qarşılıqlar bar.

XS
SM
MD
LG