Rusiä prezidentı Vladimir Putin, Kreml taraflı "Berdäm Rusiä" firqäse isemenä cılı süzlär äytep, 7 dikäberdä ütäçäk saylawlarda kemne xuplayaçağın kürsätte. Bügen Mäskäwdä ütkän "Berdäm Rusiä" qorıltayına kilep ul, 4 yıl elek bu partiä öçen tawış birep, min döres eşlägänmen, digän süzlär äytte, häm kiläse saylawlarda partiägä uñışlar teläde. Elegräk "Berdämlek" dip atalğan bu firqä xäzerge waqıtta Rusiä Dumasında 450 urınnıñ 81-en alıp tora. Partiäneñ citäkçese, berük waqıtta Eşke Eşlär ministrı bulıp torğan, Boris Grızlov, kiläse saylawlarda ciñep, Dumada küpçelek tözü niäten belderde. Qorıltayda partiäneñ namzätlär isemlege raslandı. Anıñ başnıda 4 keşe tora: Boris Grızlov, Sergey Şoygu, Yuri Lujkov häm Miñtimer Şäymiev.
