Accessibility links

Кайнар хәбәр

Duma deputatı bulırğa teläwçelärneñ isemlekläre bilgele buldı...


Respublikada bar tik 5 kenä saylaw okrugı bar, ä Duma deputatı bulırğa teläweçlär annan kübräk. Säyäsi firqälär üz keşelären täqdim itä, şunıñ östäwenä ambitsiäläre zur bulğan ayırım şäxeslär dä üz üzlären kürsätep, deputat kenägäse öçen yarışıp qararğa teli.

Küp kenä firqälärneñ saylaw isemlekläre inde bilgele, şuña kürä nindi köçlärneñ qaysı okrugta köräşäçägen inde xäzer uq çamalap bula. İdel buyı saylaw okrugında mäsälän 5-6 nämzät bulır dip kötelä. Härberse köçle häm täcribäle säyäsätçe. Mäsälän, ber saylawnı da qaldırmıy torğan Dmitriy Berdnikov, tanılğan Qazan eşmäkäre Aleksandr Sapogovskiy, «Eşmäkärlekne üsterü» firqäse wäkile İvan Graçev, kommunistlar firqäsennän Aleksandr Saliy inde räsmi räweştä saylaw komissiäsen saylawlarda qatnaşuı xaqında kisätep quyğan. Sıra şirkäte citäkçese Ayrat Xäyrullin häm Duma deputatı Sergey Şaşurin da äle dokumentların tapşırmağan bulsa da, şul uq İdel buyı okrugınnan çığarğa cıyına, dip xäbär itelä. Qayber mäğlümatlarğa qarağanda, jurnalist İrek Murtazin da, şul okrug saylawçılarınıñ küñelen yawlarğa uylıy. Mäskäw saylaw okrugında Tälğät Abdullin, «Uñ köçlär» firqäse isemennän Fedor Fomuşkin häm kommunistlardan Näsimä Stolyarova köç sınayaçaq. «Berdäm Rusiä» firqäse nämzäte, bankir Rinat Ğöbäydullin da Mäskäw okrugı saylawçıları tawışları öçen köräşäçäk.

Çallı okrugında saylawlarğa «Berdäm Rusiä»dän Oleg Morozov çığara isäpli. Aña «SPS» häm kommunistlar firqäläre tarafdarları belän köräşergä turı kiläçäk. Tübän Kama okrugında «SPS» firqäse äğzäse Şamil Smirnov, kommunistlardan Robert Sadıyqov häm Al’bert Saläxov isemle keşe yarışaçaq. Qayber mäğlümatlarğa qaranda Al’bert Säläxovnı «Tatneft» şirkäte nämzät itep kürsätkän.

Saylaw qanunı ber uq nämzätne firqä isemlegenä kertergä dä, ber mandatlı okrugqa çığarırğa dä röxsät itä. Şuña nämzätlärneñ küpçelege firqä isemleklärendä dä kürenä. Läkin barısı da tügel. Mäsälän «Berdäm Rusiä» firqäseneñ regional’ isemlegenä Tatarstannan 10 keşe kergän. Anda berençe itep Färit Möxämmätşin kürsätelgän. Annan soñ Oleg Morozov, Energetika universitetı rektorı Yuriy Näcmiev, partiäneñ Qazan bülege citäkçese Albert Möxämmätzakirov häm başqa tanılğan keşelärneñ isemnären kürep bula.

Bikä Timerova.
XS
SM
MD
LG