Accessibility links

пәнҗешәмбе, 8 декабрь 2016, Казан вакыты 01:11

Ayrat Arslanovqa - 75 yäş...


26nçı sintäberdä Ğabdulla Tuqay isemendäge Tatar däwlät filarmoniäseneñ konsertlar zalında Rusiäneñ häm Tatarstannıñ atqazanğan artistı, Ğabdulla Tuqay isemendäge premiä lawreatı Ayrat Arslanovnıñ 75 yıllıq yubileyın bilgeläp ütäçäklär. Tantanada yubilyarnı Foat Ğälimullin, İldar Yuzeev, İlham Şakirov, Zilä Sönğätullina, Tatar däwlät cır häm biü ansamble, başqa sänğät ostaları qotlayaçaq. Şulay itep, comğa könne Qazanda Başqortstannan kilep respublikada tanılğan tağın ber sälätle millättäşebezne xörmätläyäçäklär. İnde xäbär itkänebezçä, 29nçı sintäberdä Ğäliäskär Kamal teatrı binasında cırçı Salawatnıñ konsertı bulaçaq. Ul Bäxet belän yänäşä dip isemlängän häm ğädättägeçä avgustta ütkän Salawatnıñ konsertları şälkemennän. Şulay itep, cırçınıñ cäyge çığışların qarıy almağan tamaşaçınıñ Salawatnıñ konsertında bulırğa tağın ber mömkinçelege bar. Xäyer, sintäber axırında da Qazanğa kilergä yäki bilet satıp alırğa mömkinlege bulmağannarğa da töşenkelekkä birelergä kiräkmi. Bu konsertnı, berençedän, İnternet çeltäre aşa küzätep bulaçaq. Monıñ öçen barı tik İnternetqa totaşqan kompyuterda İntertat.ru agentlığı säxifäseneñ tatarça bitenä genä kerergä kiräk. İkençedän, Salawatnıñ konsertı «Tatarstan – Yaña ğasır» kanalınnan turıdan-turı efirda baraçaq. Monısı öçen inde öyeñdä televizor ğına buluı kiräk. Ä 26-28nçе sintäberdä Alabuğa şähärendä Rusiä tarixında berençe xatın-qız ofitser bulğan Nadejda Durovanıñ 220 yıllığına bağışlanğan çaralar ütäçäk. Bu könne şulay uq Nadejda Durova muzeyınıñ 10 yıllığı da bäyräm iteläçäk.

Gölnaz İlgizär

XS
SM
MD
LG