Accessibility links

шимбә, 10 декабрь 2016, Казан вакыты 10:03

Saylawlar aldınnan Bötentatar ictimaği üzäge safların nığıta häm taktikasın täğäyenli...


Plenumnıñ aldan bilgelängän kön tärtibendä öç mäs'älä: saylawlarğa qaraş, Xäter könenä äzerlek Häm törlelär yäğni törle mäs'älälär ide. Läkin TİÜ neñ prezidiumındağı qarşılıqlar arqasında öçençe mäs'älä alğa çıqtı. Plenumnı alıp baruçılarnıñ berse plenum äğzälärennän başqa çaqırılğan xakimiät wäkillären, aktivistlarnı çığaru yäğni plenumnı yabıq işeklär artında ütkärü mäs’äläsen quydı. Şaqtıyğa barğan debatlardan soñ bülmädäge barlıq keşe üz urınnarında qaldılar. Läkin şuşı tarqalaşu prezidium äğzäläre arasındağı qarşılıqlarnı belenderde. Älege qarşılıqlar şaqtıy uq zurğa kitep bara ikän. Kötelmägändä plenum äğzäse itep zalda utıruçı Mars Şämsetdinov täqdim itelde. Ul 90 yıllar başın da milli xäräkättä aktiv qatnaşıp 90 yıllar azağında üz ixtiarı belän TİÜdäge wazifaların qaldırıp kitkän keşe. Soñı yıllarda ul Berezovskiynıñ liberal' firqası bülegen citäkläde. Anıñ kandidaturasın alğa sörüçelär tabılğaç räis Räşit Yagfärov plenumğa yaña äğzälär bolayda äzerlänüen, bu mäsäläneñ prezidiumda qaraluın, läkin Mars Şämsetdinov kandidaturasın tikşergändä ikelänep qaluların belderde. Plenumğa yaña äğzälär saylawğa kereşergä turı kilde. Prezidium täqdim itkän nämzätlär ber tawıştan diärlek üttelär, ä Mars Şämsetdinovqa küpçelek qarşı bulıp çıqtı. Şulay itep plenum başında uq Ayrat Gabdullin, Al'bert Ğadelşin, Näcip Näqqaş, Älmirä Ädiätullina häm Radik Usmanov TİÜ plenumına saylandılar. Kön tärtibeneñ berençe mäsäläsen-saylawlarğa qaraş mäs’äläsen tikşergändä dä qapma-qarşı fikerlär äytelde. Döres mart ayında uzaçaq Tatarstan Däwlät Şurasına saylawlarğa qaraş ber: qatnaşırğa häm milli xäräkät wäkillären ütkärergä tırışırğa. Duma saylawlarına qarata TİÜ liderları fikerençä milli mäsälälärne alğa sörüçe firqälär aşa qatnaşırğa häm ütärgä. Uzğan xäbärlärebezdä söylägänebezçä TİÜ citäkçelege şundıy firka dip “Rusiäneñ xaq patriotlar” firqäsen saylap aldı._Firqaneñ Tatarstan bülege buldırıldı, anıñ citäkçese itep TİÜ başqarma komitetı citäkçese Ayrat Gabdullin bilgelände. Plenum barışında şuşı mäsläk iğlan itelgäç qaynar debatlar başlandı. Şulay itep plenum äğzäse Färit Xabibullin Duma saylawlarında qatnaşmasqa barı tik aqça yançıqlarınıñ ber-bersen faş itülären küzätep toru yağında. Ä Tälğat Bariev nindi genä yaxşı firqälär bumasın bersenä dä kermäskä di. Ni öçen. Şulay itep saylawlarda qatnaşu ul saylanğan xakimiätneñ ligitimlığın tanu, dimäk Rusiädä alıp barılğan totalitar däwlät tözü säyäsäten tanu. Başqortstan prezidentı saylawlarına qaratada törle fikerlär äytelde. Plenumda nigezdä qabul itelgän dokumentta bolay dielä. Özek. Plenumnıñ ikençe mäsäläse açıq añlayışlı mäs'älä. 14 oktäber Qazanda xäter köne ütkärelä. Röxsät häm oyıştıru mäsäläläre xäl itelgän. Törlelärdä iñ möhime TİÜ neñ Çallı bülege räise Rafis Kaşapovnı yaqlap xalıq-ara xoquq oyışmalarına möräcäğät itü buldı. Dokumentta anıñ xäle 21 ğasırnıñ berençe wöcdan äsire dip bäyälänä.

Azatlıq radiosı öçen Qazannan Yunıs Ätnäle

XS
SM
MD
LG