Accessibility links

шимбә, 10 декабрь 2016, Казан вакыты 11:54

Tatarstanğa Fransiä qunaqları kilde


Tatarstan premyer-ministrı Röstäm Miñnexanov çärşämbe könne respublikağa räsmi vizit belän kilgän Fransiä qunaqların qabul itte. Fransiäneñ Ron-Al’p regionı vitse-prezidentı, Evropa parlamentı deputatı T’yerri Korniye citäkçelegendä Qazanğa kilgän delegatsiä wäkilläre Tatarstan häm Ron-Al’p arasında xezmättäşlekne kiñäytü, ike töbäk arasındağı kontaktlarnı arttıru turında söyläşergä kilgän. Miñnexanov belän oçraşu waqıtında süz şuşı maqsatlarğa ireşü yulları turında barğan, dip xäbär itä İntertat.ru agentlığı. Tatarstan Däwlät Şurasında respublikanıñ kiläse yılğa byudjetın tikşerü däwam itä. Berniçä kön däwamında Däwlät Şurasınıñ daimi komissiälärendä 2004 yılğa Tatarstan respublikası byudjetı turındağı qanun proyektına üzläreneñ täqdimnären häm üzgäreşlären äzerlilär. Ä sişämbe könne isä ber yıl elek oktäber ayında ütkän Bötenrusiä xalıq isäben aluğa qayber näticälär bilgele buldı. Xäyer, bu mäğlümatlär xalıq isäbenä ällä ni açıqlıq kertmi. Nik disägez, alar bu möhim çaranı ütkärüçelärgä bäyle. 30 sentäberdä Röstäm Miñnexanov xalıq isäben aluda ayıruça aktiv qatnaşıp, älege eşkä zur öleş kertkän keşelärgä medal’ häm maqtaw bilgeläre tapşırdı. Ä menä 2002 yılnıñ oktäberendä ütkärelgän bu çaranıñ iñ qızıqlı, iñ möhim mäğlümatläre älegä haman da xalıqqa citkerelmi.

XS
SM
MD
LG