Accessibility links

дүшәмбе, 5 декабрь 2016, Казан вакыты 01:26

Yäkşämbe könne Çeçnädä bulaçaq saylawlar fars qına


Yäkşämbe könne Çeçnädä prezident saylauları bulaçaq. Läkin, anı saylau dip atap bulmıy. Çönki Kreml keşese Qadırovnıñ täsirle köndäşläre törle uyın häm basım yasay taktikası belän beräm-beräm çitläteldelär. Amerikan gazetası Washington Postta bu xaqta basılıp çıqqan maqälädä kandidatlarnıñ berse Malik Saydullayevneñ niçek çitlätelgän buluı xaqında mäğlümät birelä.

Gazeta xezmätkäre Peter Bakerneñ yazuınça, Kreml çaqırğançı uq Malik Saydullayev işarä alğan. Anıñ saylaualdı kampaniäsendäge keşeläre ezärleklände, cäberlände häm xätta urlandı. Kemder anıñ saylaularda qatnaşuın telämäde. Şunnan soñ prezident Putinneñ yardämçelärennän Vladislav Surkov anı Kremlgä çaqırtqan häm kanidatlığın kire aluın sorağan. Tağı da berniçä oçraşu bulğan. Kisätü häm büläkläv täqdimnärenä qaramastan Saydullayev kanidatlığın kire alunı kire qaqqan. Şunnan soñ Qadırov keşese mäxkämägä şikayät belderelgän häm 48 säğät eçendä mäxkämä anıñ isemen sızıp taşlağan. Küzätüçelärneñ häm keşe xoquqların yaqlau oyıçmaları väkilläreneñ fikerençä, Saydullayev xikayäse Putin tarafınan Çeçnädä vazğiätne normallaştıru dip atalğan suqmaq asılda, Kreml tarafınnan bilgelängän Qadırovnı saylatu uyınına äylängän. Saydullayev qına tügel, Qadırovqa köndäş bulırlıq tağı da öç täsirle kandidat yä çitlätelde, yäisä kanidatlıqların kire alırğa mäcbür itelde. Monipuliätsälär çit illärdä şuşı saylaularnıñ qanunilegenä şik tudırdı. Yevropa Şurası belän Yevropada İminlek häm Xezmättäşlek Oyışması saylaularğa kütäztüçelär cibärmiäçäk. Mäskäv Helsinki Törkemennän Tatyana Lokşina bu saylau tügel, ä fars dip belderde. Korneyc Mäskäv Üzägennän Aleksey Malaşenko monıñ saylaular bulmauın härkem belä . Min kanidatlarnı çitlätügä şaqqattım. Bu Kremlneñ häm bälkim Putinneñ dä Qadırovnıñ ciñelü ixtimallığınnan qurquqın kürsätä dip belderde. Putin üze kanidatlarnıñ ber-ber artlı yarışqa qatnaşmauları turında quyılğan sorauğa , Bu saylaualdı kampaniäseneñ taktikası dip cavap birde. Menä şul taktika Qadırovnı qotqarunı maqsät itep quya. Xalıq fikeren beleşülärneñ näticäse , çeçennärneñ 61 yarım protsentınıñ aña tauış birmiäçäklären , Malik Saydullayevneñ 23 protsent belän berençe urında torun kürsätte. Qadırovnı yaqlauçılar protsentı 13 kenä ide. Russiä Qadırovnı saylatu öçen qulınnan kilgänne eşläde. Saylaularda qatnaşuları öçen İnguçetiädäge çeçen qaçaqların Çeçnägä qaytırğa mäcbür itte. Monıñ öçen aqça birde. Çeçnädäge 30 meñ Russiä xärbisenä saylaularda qatnaşu xoquqın tanıdı. Saydullayevneñ süzlärençä, Kreml saylaularnı kontrol itä . Qadırovnıñ köndäşe bulıp tanılmağan, täsire bulmağan altı kandidat qına qaldı. Saylaularnıñ näticäse inde mäğlüm. Bu saylaular tügel, ä fars digän Saydullayev.

Färit İdelle , Praga.
XS
SM
MD
LG