Accessibility links

сишәмбе, 6 декабрь 2016, Казан вакыты 03:49

Yekaterinbur tatarları üz köräşçelären üzläre tärbiäli


Älif Ğabdraxmanov citäklägän Sverdlov ölkäse “Aq bars” sport cämğiäteneñ “Köräş” federatsiäse yegetläre, küptän tügel Mäskäw şähärendä uzdırılğan bilbawlı köräş buyınça bötenrossiä çempionatında qatnaşıp, uñay näticälär belän qayttılar. 100 kilogrammnan artıq ülçäm buyınça Severoural'sk şähärennän Röstäm Wälullin ikençe batır bulıp qalıp, kömeş priz alıp qayttı. Röstäm Tatarstannıñ Quqmara rayonı, Kükşel awılı yegete bulıp çıqtı. Yazmış cilläre anı äle yartı yıl elek kenä Ural laklarına kitergän ikän. Kürer küzgä tıynaq qına bu yegetneñ bilbawlı köräş buyınça ireşkän uñışları bik zur. 1980nçe yılda yäşlär arasında, 1991, 1996nçı yıllarda ul ölkännär arasında Tatarstan çempionı bulıp qalğan. Rusiä külämendäge yarışlarda da ciñep çıqqanı bulğan. Şulay itep, Sverdlov ölkäseneñ “Köräş” federatsiäse tağın ber täcribäle, köçle köräşçegä arttı. Federatsiäneñ alda plannarı bik zur. Moña qädär Sverdlov ölkäseneñ üzendä yäş köräşçelär üsterep tärbiäläw mömkinçelege bulmadı. Xäzer Älif ğabdraxmanov belän Röstäm Wälullin “Al cilkän” balalar häm yäşüsmerlär sport mäktäbe nigezendä bilbawlı köräş seksiäse açıp cibärergä uylıylar. Andıy ostazlar bulğanda, kiläçäktä bilbawlı köräş buyınça Sverdlov ölkäse danı yıraqlarğa taralır dip uylarğa nigez bar.

Fäwiä Safiullina, Yekaterinbur

XS
SM
MD
LG