Accessibility links

пәнҗешәмбе, 8 декабрь 2016, Казан вакыты 11:04

Ğiraqta eşsez qalğan elekke xärbilär häm koalitsiä köçläre arasında bäreleşlär däwam itte


Ğiraq başqalasında bügen dä qarşılıq çarası uzdı. XEzmät xaqları häm pensiälären alır öçen çiratta torğan elekke Ğiraq xärbiläre belän amerikan ğaskärläre arasında bäreleşlär buldı. Kiçä elekke Ğiraq başlığı Saddam Hösäin çorında xezmät itkän xäzer eşsez qalğan Ğiraq xärbiläre Bağdadta häm könyaqtağı Basra şähärendä koalitsiä köçläre belän bäreleşte. Kiçä Ğiraq başqalasında qarşı toruçılarnıñ berse üterelde, tağın berniçä ğiraqlı häm amerikan xärbiläre yaralandı. Basrada Britan ğaskärläre ber Ğiraqlını atıp ütergän. Tikrit şähärendä Amerikan ğaskärläre bügen qoral eşläp çığaruda şiklänelgän ber keşeneñ öyendä tikşerü uzdırğan. Britaniä premyer-ministrı Tony Blair'nıñ matbuğat xezmäte, elekke tışqı eşlär ministrı Robin Cook'nıñ, Blair'nı Ğiraq suğışı başında yalğan mäğlümat birüe öçen ğaypläwen kire qaqtı. Britaniä xökümäteneñ 2002nçe yılnıñ sintäberendä birgän mäğlümatlärenä qarağanda Säddäm Hösäin, Ğiraqqa höcüm yasalğaç ta küpläp üterü qoralların 45 minut eçendä qullana ala dielä. Robin Cook, premyer Blairnı, monıñ yalğan buluı turında belüe, şuña da qaramastan bu mäğlümätne taratuda ğayeplägän ide. Blair xezmäte bu ğayepläwlärne nigezsez dip atadı. Suğış başlanğançı Cook Blair'nıñ yaqın yardämçeläreneñ berse ide. Ğiraqta xärbi çaralar başlanğaş ta Robin Cook tışqı eşlär ministrı wazifasınnan kitte.

XS
SM
MD
LG