Accessibility links

шимбә, 10 декабрь 2016, Казан вакыты 06:01

Yevropa Berlegeneñ yaña konstitutsiäse mäs'äläsendä fiker ayırmalıqları Rimda uzğan kiñäşmädän soñ da qala


Berdän Yevropa Berlege konstitutsiäse proektın tikşerü öçen İtaliä başqalası Rimda uzğan cıyınnan qaytqaç Polşa tışqı eşlär ministrı Vladimezh Tsimoşeviç, berlektäge 25 ilneñ küpçelege yaña konstitutsiädä dä – çiratlaşıp kilgän prezident möddäten yaqlıy, dip belderde. Rimda tikşerelgän yaña konstitutsiä ölgesendä- ber genä prezidentnı bilgeläw turında süz bara. Xäzerge waqıtta isä Yevropa Berlegeneñ här däwläte 6şar ay prezident bula ala. Kiçä açılğan cıyında, konstitutsiä mäs'äläsendä fiker ayırmalıqlarınıñ küp buluı açıqlandı. Läkin Germaniä kanslerı Gerhard Şröder-bik küp fiker alışular uñay näticägä kitermiäçäk, dip belderde, "Älbättä, söyläşergä häm kiñäşläşergä kiräk, läkin bulğan kileşülärgä qarşı çığuçılar tağın da yaxşıraq täqdim yasarğa tieş bula, busı inde awırraq. Kemneñ dä bulsa bu cıyında qabul itelgän qararlarğa qarşı çığarğa teläge bulsa-qısqa waqıt eçendä tağın böten täqdimnärne bergä cıyarğa mömkin bulırmı-anısı bilgesez" dide Şröder. Yevropa Berlege ministrları konstitutsiä ölgese turında fiker alışqanda Rim uramnarında globalläşügä qarşı uram cıyınnarı uzdı. İtaliä politsiäsenä protestlarnı taratu öçen yäşländerü gazı häm rezin tayaqlar qullanırğa turı kilgän dip xäbär itelä.

XS
SM
MD
LG