Accessibility links

җомга, 9 декабрь 2016, Казан вакыты 18:33

İzrael höcümennän soñ Süriä İminlek Şurasın cıyılışqa çaqırdı


İzrael Süriädä Hämäsneñ künegü lagerı dip şiklänelgän urınnı bombalağannan soñ, Damask yäkşämbe kiç BMO İminlek Şurasın aşığıç cıyılışqa çaqırdı.İzrael Haifada 19 keşeneñ ülemenä säbäp bulğan terror höcüme säbäple bombalau aqlana dip belderep fälästin xakimiäte, İran kebek Süriä dä terrornı yaqlauçı illär isemlegendä tora dip añı ğäyepläp çıqtı.Dönya citäkçeläre Yaqın Könçığışta wazğiätne tınıçlandıru öçen taraflarnı totnaqlıq kürsätergä çaqıralar.

Süriä Damasknıñ 20çaqırım tönyaq könbatışında al Sahabnı bombalağan İzrael xalıqara cämäğätçelek tarafınnan xökem itelergä tieş dip taläp itä.İzrael al Sahab fälästin terrorçılarınıñ künegü urını dip däğwä itä. Süriäneñ BMO wäkile Faysal Mekdad häcümne ilneñ suverenlek häm bötenlegenä qarata xärbi agressiä dip taswirlap iminlek şurasın aşığıç cıyılışqa çaqırdı.Mekdad süzlärençä (audio)BMOsı xartiäse , xalıqara qanun häm 1974-ñnce yılda Süriä belän izrael arasında ireşelgän berberenä höcüm itmäw kileşüen tupas räweştä bozğan xaqsız agesiä İzraelneñ agresiä häm eleke kileşülärgä xörmät itmäwgä nigezlängän säyäsäten açıq itep kürsätep tora. İzrael şämbä kiç Hämäs häm İslamçı Cihadnıñ künegü urını dip beldergän al Sahep lagerın bombaladı. Süriä räsmiläre lagernı fälästin moxacirları yäşägän urın dip taswirlıy. Fälästin çığanaqları yuğaltular turında xabär itsä dä, moñı raslağan räsmi mäğlümät yuq.Bilgele bulğança İzrael Haifada şimbä kiç 19keşeneñ häläk buluı häm 50dän artıq keşeneñ yaralanuına säbäp bulğan intihar höcümenä cawap itep Süriäne bombaladı. Fälästin citäkçese Y.Arafat Haifa bomabalauın xökem itep Haifada ğäräb häm izraelle sivil xalıqqa qarata oyıştırılğan qotoçqıç höcümne zur cinayät dip bäyäläde.İzrael xökümät süzçese häm premier Sharonnıñ ölkän kiñäşçese Raanan Gissin ,prezident G. Bushnı xäterlätkän süzlär qullanıp Damask, Tehran häm fälästin teritoriäläre kebek xalıqara terrornıñ üzäge dip belderde.Gissin bolay dide(audio) bez Tehran, Damask häm Gaza arasında terror kuçäreneñ däwam itüenä, ğäyepsez ir at xatın qız häm bala çağanıñ üterelüenä çıdamlıq kürsätmiäçäkbez. Bugen irtän bulıp alğan operatsiä, Süriägä şulayuq İslamçı Cihad häm Hämäs citäkçelärenä kündermä bulıp tora. İzrael Livanda Süriä xärbi qorılmalarına höcümnär oyıştırsa da, anıñ sonğı 30yılda Süriä territoriäsenä kergäne, höcüm itkäne bulmadı. Şulay da Damask belän Yerusalem texnik yaqtan qarağanda suğış xälendä . Moña İzraelneñ 1967-nçe yılda Golan qalqıluqların aneksiäläwe säbäp bulıp tora.BMOnıñ NYtağı başkwartirasında diplomatlarnıñ küpçelege izrael häcümenä qarşı bulsa da AQŞ wäökile John Negroponte çığarma bulıp tora. Däwlät Departamentı İzrael Süriägä höcüm itäçägen bezgä aldan beldermäde bu aksiä yaqın könçığış tınıçlıq planına täsir itä ala dip äytte.Negroponte Damask täğdim itkän rezolutsiä proyektın, ul Haifa höcümen telgä almıy dip kire qaqtı häm ( audio) Haifada yasalğan intihar häcümen onıtmasqa tieşbez.19keşe ,şulsanda izraelle ğäräblär häläk buldı .50dän artıq keşe yaralandı. Bu waqiyğälärneñ İminlek Şurası delegatsiäsennän kilgän rezolutsiä proyektında telgä alınmawı mine şaqqattırdı. İzraelneñ BMOdağı wäkile iminlek şurası äğzaların, Damask cinayätkä qatnaşı bulğan öçen yaqlaunı xaq itmäde dip rezolutsiä proyektın yaqlamasqa çaqırdı.İminlek şurasında proyekt tawışqa quyılmadı. İlçelär başqalaları belän nindi adım atlau turında mäslixätläşä başladı.Könbatış häm Ğäräb illäre İzraelneñ höcümen xökem itep, ike yaqnı da totnaqlıq kürsätergä çaqırdı.Sharonnıñ terrorğa qarşı opertasiälären Süriä, Livan xätta İranğa cäyelderü belän kisätüe zur borçılu tudıra . Damasknıñ aşığıp üç alu operatsiäsenä kereşmi mäsäläne kiçä kiç BMOğa kiterüe nindider ömet çatqısı bulıp kürenä. Prezident Bushnıñ yul xaritası dip yöretelgän tınıçlıq planıñ ğämälgä quyıp yaqın könçığışnı tınıç, çäçäk atqan töbäkkä äyländerü xıyalların ğämälgä quyuı öçen Sharonnı tuqtatuı zarur bulıp tora.

färidä xämit,praga
XS
SM
MD
LG