Accessibility links

шимбә, 10 декабрь 2016, Казан вакыты 09:56

Udmurtiä başqalası İjawda tatar gimnaziäsendä icadi laboratoriä eşli


Udmurtiä başqalası İjau şähärendä tatar gimnaziäse açılıp eşli başlawına äle barı tik biş kenä yıl ütte. Ämmä bu yıllar çın-çınlap uqıtuçılar häm uquçılar öçen üzlären törle yaqlardan sınap qarap, respublika külämendä tanıtu dip äytergä kiräk. Gimnaziä qaysıber uqıtu programmaları buyınça eksperimental' mäydançıq ta — uqıtuçılar yuğarı uqu yortları belän elemtägä kerep, berniçä icadi laboratoriä buldırdı. Bu — Udmurt däwlät universitetınıñ ikençe östämä çit tellär öyrätü kafedrası belän berlektä oyıştırıldı. Anıñ maqsatları turında universitettan ğalimä Lyudmila Malkova bilgeläp, bolay dide:

audio

Dörestän dä gimnaziädä älege metodika buyınça tel uqıtuçıları berläştergän däreslär uzdıralar. Mäsälän miña şuşındıy berläştergän ingliz, tatar, rus tele däresendä bulırğa turı kilde. Däresneñ teması — tatar, rus, ingliz tellärendä ütkän zaman fiğele. Grammatik kategoriäne üzläşterü öçen Qayum Nasırineñ utız cidençe tärbiäsen alğannar. Anıñ rus häm ingliz tellärenä tärcemäse dä äzerlängän ide. Däresne rus tele uqıtuçısı Güzäliä Mansur qızı Garif'yanova başlap, Qayum Nasırineñ kem buluın qısqaça ğına añlatıp kitte. Şulay itep başta balalar tatar xalqınıñ ğalime belän tanıştı, annan soñ tekstnı tatar, rus, ingliz tellärendä uqıp, analiz yasadılar, härber täldä bulğan ayırmalıqlarnı yäisä berdämlekne taptılar, alarnı taqtağa tablitsa räweşendä yazıp — näticä yasadılar. Grammatik qağidälärdän tış balalar tekstnı analizlaganda, uqıtuçılar anıñ äxläki yağına da basım yasarğa onıtmadı. Mondıy däreslär gimnaziädä yış ütkärelä, häm anıñ möhimlege turında tatar tele uqıtuçısı Räzilä Gabdraxmanova häm rus tele uqıtuçısı Güzäliä Garif'yanova bolay didelär.

audio

Gimnaziä uqıtuçıları Räzilä Gabdraxmanova häm Güzäliä Garif'yanova häm sigezençe sıynıf uquçısı İl'mira Gomärova belän äñgämä tıñladığız.

Xemidä Ğayfullina, Udmurtiä.

XS
SM
MD
LG