Accessibility links

җомга, 2 декабрь 2016, Казан вакыты 20:58

Törkiäneñ Ğıraqqa xärbilär cibärü qararın AQŞ xuplıy, kördlär borçıla


Törkiä parlamentı kiçä xökümätneñ 10meñ xärbine Ğıraqqa cibärü qararın rasladı. Ğıraqnı totrıqlandıru öçen çit il yaqlauına nıq moxtaç bulğan Quşma Ştatları bu xabärne xuplap qarşı alsa, PKK suğışçıları ber dä şatlanmadı.

AQŞlarınnan soñ NATOda in zur xärbi köçkä iä Törkiä Ğıraqqa ğäskär cibärgän berençe möselman ile bulaçaq.Bush administratsiäseneñ xuplap qarşı alğan qarar Ğıraq idarä şurası , kördlär şulayuq törek cämäğätçelegeneñ törle qatlaularında protestlar belän qarşı alındı. Däwlät Departamentı süzçese R.Boucher kiçäge brifingtä ( audio) bez törek xökümäteneñ Ğıraqqa ğäskär cibärü inisiativasınıñ parlamentta raslanuın xuplıybız. AQŞları törek xärbiläre Ğıraqnı totrıqlandıruda öleş kertäçäk dip ışana.Bez törek xökümäte belän mäs''äläneñ detalläre turında söyläşäçäkbez. Törkiä kiñ küläm mäğlümät çaraları , üktäberneñ 9da Waşingtonnan Ankarağa kiläçäk xärbi häm kongresmennärdän torğan törkem , cibäreläçäk xärbilär sanı, alarnıñ urnaşaçaq urın, logistik häm çığımnar mäsäläsen törek räsmiläre belän söyläşäçägen belderä.Parlamentnıñ sişämbedä raslağan rezolutsiädä Ğıraqqa cibäreläçäk ğäskärlär turında ber nindi mäğlümät yuq, anda tik xärbilär ber yıl öçen genä cibärelä dip äytelgän. Yustitsiä ministırı häm xökümät süzçese Cemil Çiçek rezolutsiäneñ ütüe törek xärbiläreneñ şunduq Ğıraqqa cibäreläçägen añlatmıy dide. Çiçek süzlärençä(audio) röxsät aluıbız ,äle ğäskärilärebezneñ irtägä ük Ğıraqqa kitäçägen añlatmıy.AQŞ belän söyläşülär törle ölkälärdä bara.Xökümät röxsät yäki raslau alğaç bu turıda söyläşülär alıp baru qulayraq bulaçaq.Opozitsiädäge Cömxöriät xalıq partiäse citäkçse Deniz Baykal xökümät qararın tänqitläp, bu operatsieneñ xalıqara legitimlığı yuq,anı törek xalqı da ğıraqlılar da telämi dip äytte. Bugen İstanbulnıñ törle urınnarında yözlärçä keşe xärbilärneñ Ğıraqqa cibärelüenä protest belderde.Fiker belüşelär xalıqnıñ 60%nıñ qarşı buluın kürsätä.Mätbuğatqa kilgän dä, xätta premier Erdoğannı yaqlauçı VATAN gazetası da Erdoğan Ğıraqta qumar uynıy , Ğıraqta törek xärbiläreneñ wazğiäte qıyınlaşsa , öydä anıñ xäle dä naçaqlanaçaq dip yaza. Comxöriät gazetası isä kiçäge tawış birü belän Törkiä okupatsion köçlärgä quşıldı ,Erdoğan Törkiäne Bush administratsiäsenä sattı dip beyan itä.Erdoğan kiçä kiç xökümätneñ ğäskär cibärü qararın yaqlap televidiniädä yasağan çığışında xärbilärneñ anda okupatsion köç tügel ä ğıraqlılarnıñ dustı, tuğanı bularaq kilüen häm annan tizlektä çığıp kitäçäklären äytte. Premier älbättä ilneñ könyağında iminlek mäsäläseneñ xökümät öçen zur borçılu tudıruına da basım yasarğa onıtmadı.Ul 15yıldan birle aftonomie öçen suğışqan PKK partizannarı belän köräşü zarur dip tä belderde. Ankara ğäskär cibärüenä cawap itep Waşingtonnıñ Qandil taularında sıyınğan 5meñ PKK suğışçısına qarata çaralar kürüen taläp itte.PKK yäki Kadeknı terroristlar isemlegenä kertkän AQŞ andıy wağdä birde birüen. Kiçä Däwlät sekeratrı Powel kollegası Gülgä räxmät äytep şaltıratqanda, Gül şunduq Ankara xärbilären cibärgänçe Waşingtonnan PKK mäsäläsendä konkret adımnar atlauın kötä dip äytkän. AQŞ körd partizannarına qarşı nindi çaralar kürä ala ,açıq bilgele tügel.Sonğı atnalarda xärbi çaralar turında fikerlär işetelsä dä, Quşma Ştatları partizannar belän suğışıp, Ğıraqnı tağı totrıqsızlandırır dip kötep bulmıy. Körd mätbuğatına qarağanda prezident şurası äğzası Murat Qarayılan PKKğa qarşı xärbi aksiä Törkiä belän suğış başlataçaq dip yanağan.PKK 5yıl elek iğlan itkän ber yaqlı atışlarnı tuqtatu kileşüen küptän tügel genä köçtän çığardı, Ankara bezneñ belän tınıçlıq söyläşüelärenä başlamasa , yıl azağında doşmanlıqnı yañartaçaqbız dip kisätte.

färidä xämit,praga
XS
SM
MD
LG