Accessibility links

якшәмбе, 4 декабрь 2016, Казан вакыты 19:30

Tatarstan belän Çiläbe qanun çığaruçıları xezmättäşlek turında kileşte...


8nçe oktäber könne Färit Möxämmätşin citäkçelegendäge respublikanıñ räsmi delegatsiäse Çiläbegä kitte. Anda Çiläbe ölkäse häm Tatarstan qanun çığaruçıları arasında xezmättäşlek turındağı kileşügä qul quyıldı. Xäyer, ike töbäk arasındağı xezmättäşlek qanun çığaru ölkäsendä genä tügel, başqa tarmaqlarda da şaqtıy uñışlı bara. Mäsälän, KamAZ aksionerlıq cämğiätenä şuşı könnärdä ber törkem Çiläbe xärbi avtomobil’ institutı studentları kilde. Alar Tatarstannıñ şuşı şirkätendä citeşterü praktikasın ütäçäklär. KamAZ xaqında tağın ber xäbär. KamAZnıñ keçe şirkäte bulıp sanalğan KamAZ-finans firması tarafınnan qimmätle qäğäzlär çığarılğan, dip xäbär itä İntertat.ru agentlığı. Bu qäğäzlärne çığaru şirkätkä tışqı finans mömkinleklärne, investitsiälärne cälep itärgä häm citeşterüne üsterergä mömkinlek biräçäk.

Qazan kremlendä isä sişämbe könne Tatarstan premyer-ministrı Röstäm Miñnexanov prezident Mintimer Şäymiev isemennän sänäğät, iqtisat, säwdä, awıl xucalığı, mädäniät ölkäsendä uñışlı eşläwçelärgä Tatarstannıñ häm Rusiäneñ maqtawlı isemnären tapşırdı. Küptän tügel genä ütkän şuşındıy uq çaradağı kebek, maqtawlı isemnärgä layıq keşelärneñ isemlege şaqtıy ozın. Şunısın da äytep kitik, layıqlılar arasında tatar estradasınıñ tanılğan cırçısı İlsaf ta bar ide. Aña Tatarstannıñ atqazanğan artistı digän isem birelde.

XS
SM
MD
LG