Accessibility links

шимбә, 3 декабрь 2016, Казан вакыты 16:46

Aralar yaqınaya...


Finlyandiä belän Tatarstan arası yaqınaya bara.Häm şunısı quanıçlı - bu eşkä Suomida yäşägän millättäşlärebez zur öleş kertä. Atna başında Qazanğa kilgän Finlyandiä Säwdä-sänäğät ministrlığı delegatsiäsendä dürt tatar eşmäkäre buluı şaqtıy ömetle küreneş. Tağın da söyeneçlese - eşlekle törkemgä “İslamiä” cämğiäte räise Oqan Tahir da kertelgän. Dimäk ki, fin xökümäte tatar ile belän mönäsäbätlär urnaştırğanda bezneñ millättäşlärebezneñ fikere belän isäpläşä häm alarğa ömet tä bağlıy.

Çärşämbe kiç un keşelek delegatsiäne Bötendönya tatar kongressında qabul itü oyıştırıldı. Başqarma komitet räise Rinat Zakirov tatarlarnıñ xalıqara oyışması, anıñ eşçänlege, eşmäkärlärneñ milli mäs’älälärgä yözläre belän borıla başlawı turında notıq tottı. Ul Finlyandiä xökümäteneñ şul ildä yäşäwçe millättäşlärebezgä xörmät häm ışanıç kürsätüen, Tatarstan belän xezmättäşlekne itüdä alarnıñ zur rolen bilgeläp ütte.

Finlyandiä Säwdä häm sänäğät ministrlığı wäkile Yero Yayanti, kongressnıñ igelekle eşlären yuğarı bäyäläde, Başqarma komitet räisen Finlyandiägä çaqırdı. Oqan Tahir isä ike il arasında barğan xezmättäşlektä tatarlarnıñ totqan urını turında söyläde. Räsmi söyläşülär tämamlanğaç “İslamiä” cämğiäte räise O.Tahir “Azatlıq” radiosın tıñlawçılarına bolay dide.

Audio

Bügenge oçraşuda fin keşeläreneñ dä qatnaşuı, alarnıñ milli eşlärebez turında yaña mäğlümat aluları bik faydalı buldı. BTKnıñ Başqarma komitet citäkçese Rinat Zakirov Oqan äfändeneñ süzlärenä bolay dip quşıldı.

Audio

R.Zakirov xökümätneñ milli cämğiätlärgä yöz belän borıluı ike yaq öçen dä faydalı buluı turında söyli.

Oçraşu betep ölgermäde, Finlyandiädän kilgän eşmäkärlärne Qazan eşquarları çornap aldı. Biznes ähelläre törle teldä söyläşsälär dä bik tiz urtaq tel taptılar.

Damir Ğısmetdin

XS
SM
MD
LG