Accessibility links

Кайнар хәбәр

AQŞtağı oçraşudan soñ NATO berektäşlege üzen üzgärtep qoru turında söyli


NATOğa äğza illärneñ 19 saqlanu ministırı AQŞta Colorado ştatında ütkärgän cıyılışta yaña tör qurqınıçlarğa qarşı toru öçen xärbi berektäşlekne canladıru, modernlaştıru mäsäläsendä progressqa ireşkän dip xabär itelä.Ämma NATO äğzaları ğäskärilären tizlektä konflikt noqtalarına urnaştıru öçen xärbi köçlären häm bürokratik protsessnı üzgärtep qorırğa mäcbür bulaçaq.Yävropa illäre moña äzer mikän?

NATO general sekretarı George Robertson Colorado Ştatında ütkän ike könlek söyläşülärdän soñ (audio) Bezneñ käğäz tügel ä çın , urnaştırırlıq ğäskärilärebez bulırğa tieş. Bu Coloradodan cibärelgän açıq kündermä bulıp tora dip belderde.Söyläşülärdän soñ 19 saqlanu ministırı bez xärbi köçlärne häm qarar çığaru organnarı üzgärtelergä tieş digän mäsälädä kileştek bu kündärmäne xökümätlärebezgä alıp barabız dip äytte . NATOnıñ global terrorizm tudırğan qurqınıçqa qarşı toruı öçen bik tizlektä qarar birep xärbilärne tizlektä urnaştıruı zarur, monıñ öçen citez xäräkätle köçlär häm komanda strukturası täräqi itterelergä tieş .Oçraşuda tik berektäşlekne üzgärtep qoru ğına tügel ä Bosnia şulayuq Russineñ berektäşlek belän mäxsus partnörlığı kebek mäsälälär dä tikşerelde. General sekretar Robertson NATOnıñ in zur probelmasın bolay itep añlattı: Yevropa illäre zur xärbi köçlärgä iä bulsa da, dönyanıñ qaynar noqtalarına şunduq äzer xärbi köçlär cibärä almıy.Bürokratiä, qarar çığaru aqırın bulğanlıqtan tiz reaksiä kürsätep bulmıy. NATO illäre armiälärendä küp sanda ğäskärilär bulsa da, berektäşlek Kosovoda 19meñ,Bosniada 12 häm Äfganstanda 5,500ğäskörine totuda qıyınlıqlarğa duçar bula.Robertson AQŞnı küzdä totmağanda berektäş illärdä 1.4million xärbi bar, ämma alarnıñ 55meñe genä çit illärdäge tınıçlıq operatsiälärenä qatnaşa dip söyläde. Äfganstanda NATO citäkçelegendä İSAF dip yöretelgän tınıçlıq ğäskäriläreneñ sanıñ arttıru turında prinsıpta kileşelde , ämma bu eş niçek başqarılaçaq xärbilärne kem cibärä älegä bilgesez.Coloradoda iseme äytelmägän qayber räsmilär , üzgärtep qoru öçen küp aqça kiräkmi digän fikerlär beyan itte ämma citez xäräkätle köçlär buldıru , bürokratiäne üzgärtep qoru öçen aqça kiräk! Heritage Foundationda eşläwçe xärbi analitik Jack Spencer süzlärençä(audio) Yevropa illäreneñ saqlanu ministırları häm ğomumän bu dairälär problemalarnı bik yaxşı belä, alar yaxşı strategiä, döres retorika qullana ..ämma alar saqlanu mäsälälärendä aqça sarıf itüdä bik naçar.Nigezdä bezgä älege waqıtta aqça kiräk. General sekretar Robertson Russiä saqlanu ministırı Sergei İvanov belän ütkärgän söyläşüne telgä alıp, Russiä könbatış berektäşlege belän xezmättäşlekkä däwam itäçäk häm atom qoralları mäsäläsendä agresivraq pozitsiä almayaçaq digän wağdälär birde dip belderde. Bilgele bulğança Mäskäü NATOnıñ höcümçän xärbi doktrinasına cawap itep bälkim dä atom töş strategiäsen yañadan küzdän kiçeräçäk dip iğlan itkän ide.İvanov AQŞnıñ yaña iminlek strategiäsen xäterlätkän belderü yasap Russiä milli mänfäğätlären saqlau öçen pre-emtiv höcümnär yasıy ala dip äytkän ide. Robertson süzlärençä,İvanov Russiä atom qoralları belän berençe bulıp höcüm itü säyäsäten qabul itmäde digän garantiälär birgän.Mätbuğatta Rusiä belderüläre dulqınlanuğa säbäp bulsa da, Spencer (audio)Bu Russiäneñ salqın suğış betkännän birle söylägän şuluq ber närsä tügelme ? Min bu turıda bik qayğırmim.Ruslar här waqıt moña oxşaş närsälär söyli, häm azaqta bez mäsäläne xäl qılabız.Min Rusiä belän AQŞları yäki yevropa arasında qorallı konflikt başlanır dip ber dä qaygırmim. Coloradoda ministırlar NATOnıñ 8yıldan birle Bosniada barğan tınıçılq missiäsen aqrınlap beterü turında da söyläşte.12meñlek köçne kiläse yılda 6meñgä kimetü turında süz bulğan.Ütkän atna azaığnda Yevropa berlege Bosnia missiäsen üz östenä alu turında täğdim kertte. AQŞnıñ NATOdağı ilçese Burns , Waşington bu turıda qarar birmäde, bu mäsälä kiläse mayda İstanbulda ütäçäk NATO summitında tikeşereler dip äytkän

färidä xämit, praga
XS
SM
MD
LG