Accessibility links

пәнҗешәмбе, 8 декабрь 2016, Казан вакыты 23:00

Bagdadta yaña aqça berämlege kertü aldınnan iske qäğäz aqçalarnı yandıru bara


Bagdad. Ğiraqta amerikannar yardämendä urnaştırılğan yaña xakimiatneñ ildä yaña aqça berämlegen kertergä cıyınuwı sürätendä Ğiraqnıñ Üzäk Bankı bügen cämäğätçelek aldında Saddam çorındağı qäğäz aqçalar yandırunı oyıştırdı. Bank mödireneñ urınbasarı Äxmät Salman Möxämmäd süzlärenä qarağanda, yaña xakimiat, yılmayğan Saddam Xösäyen süräte töşerelgän elekke aqçalarnıñ zur öleşen inde cıyıp alğan. Ul şulay uq, Ğiraq keşeläreneñ iske aqçanı äyläneşkä üktäbrneñ 15-ennän kerteläçäk yaña berämlekkä almaştıruwı öçen 3 ay waqıtı bulaçaq häm ägär dä kiräk bulsa şuşı mötdät ozaytıla da ala dip belderde: "Minemçä, öç aylıq waqıt bik citkän, citmägän oçraqta da bez anı tağın ike yä öç ayğa ozağraq itä alabız" dip belderä Ğiraqnıñ Üzäk Bankı mödire urınbasarı Äxmät Salman Möxämmäd. İske aqçanı yandırunı Bank inde awgust azaqlarında uq başlağan ide. Amerikan xärbiläre fikerençä, Ğiraqta äyläneşkä yaña qäğäz aqça kertü xalıqnıñ Saddam xakimiate inde kire qaytmayaçağına ışanıçın arttıraçaq.

XS
SM
MD
LG