Accessibility links

пәнҗешәмбе, 8 декабрь 2016, Казан вакыты 19:03

Yäsir Arafat üzara qarşılıqlarnı çişü öçen fälästin premyer-ministrı belän oçraşa


Ramalla. Yaña fälästin xökümäten qoru mäs'äläsendä kilep çıqqan qarşılıqlarnı xäl itü maqsatında Yäsir Arafat bügen premyer-ministrı Äxmät Qıray belän oçraşu ütkärde. Xökümätne tözü turında färman inde bäyän itelsä dä, ul äle parlament tarafınnan raslanırğa tieş. Xökümät tözügä qatnaşı bulğan taraflar arasında tirän qarşılıqlar çığu säbäple parlamentta şuşı mäs'äläne qaraw atnakiç bilgesez ber waqıtqa kiçekterelde. Dürt kön elek kenä premyer itep bilgelängän Qıray xätta şul urınınnan kitärgä teläwen dä beldergän ide. Yaqlar, xökümätneñ tözeleşe häm andağı eçke eşlär ministrınıñ wäkalätläre turında kileşä almıy. Qırayğa qädär premyer-ministr bulğan Mäxmüd Abbas urınınnan sintäbrdä, Yäsir Arafat belän xakimiatne büleşä almawı säbäple kitkän ide.

XS
SM
MD
LG