Accessibility links

Кайнар хәбәр

Marokko patşası xatın-qız xoquqların yaqlaw ölkäsendä yaña färmannar iğlan itte


Rabat. Marokko patşası Möxämmäd, xatın-qızlarnıñ kiyäwgä çığuwı, ğailädäge xäle häm ayırılışu ölkälärendä xälen yaxşırtu maqsatında yaña färmannar çığaruwın iğlan itte. Patşa täqdim itkän çaralar arasında, qızlar öçen kiyäwgä çığu yäşen xäzerge 15-tän 18 yäşkä kütärü qaralğan. Xatınnarğa ğailä qorğannan soñ milekkä iä bulu xoquqı da birelä, häm alar ayırılşunı xäzer üzläre dä täqdim itä alaçaq. Elek monı irlär genä eşli ala ide. Möselman irläre xäzer dä 4 xatın alu xoquqına iä bulaçaq, läkin monıñ öçen ir keşegä röxsätne, inde bulğan xatınınnan häm käläştän genä tügel, ä qazıydan da alu motlaq bula. Urtaq ğailä belän yäşäw çorında tuplanğan malğa irneñ dä, xatınnıñ da xoquqları bertigez bulaçaq. Patşa Möxämmätneñ şuşı täqdimnärne alğa sörgän färmanı kiçä kiç qabul itelgän häm alarnı äle ilneñ parlamentı raslarğa tieş.
XS
SM
MD
LG