Accessibility links

шимбә, 10 декабрь 2016, Казан вакыты 06:04

Bagdadta bulğan çirattağı şartlawda kimendä 6 keşe hälak buldı


Bagdad. Amerikannar ximayäsendäge Waqıtlı idarä şurası äğzaları da torğan qunaqxanä yanında bomba quyılğan ber maşina şartlaw näticäsendä kimendä 6 keşe hälak bulğan. Bu xaqta äle haman da qarşılıqlı xäbärlär kilep tora. Anda ber genä tügel, ike şartlaw bulğan dip tä xäbär itelä. Älegä alınğan mäğlümatqa qarağanda, politsiä qunaqxanägä yaqınlaşqan ike maşinanı tuqtatırğa tırışqan, şularnıñ berse tikşerü nığıtması yanında şartlağan . Amerikan xärbiläre wäkile Peter Mansur, kimendä 6 keşe hälak buldı, 10-ı yaralandı, soñğıları arasında ber amerikan ğäskärie dä bar dip belderde. "Bez belgän bar yuğaltular da ğiraqlılar arasında, barı tik ber amerikan ğäskärie genä ciñelçä cäräxätlär aldı, tieşle däwa birelgännän soñ ul şunda uq cibärelde. Belüwemçä, qunaqxanä eçendägelärgä dä, binanıñ üzenä dä bernindi zian kilmäde" dip belderä amerikan xärbie. Läkin radiobıznıñ Bagdadtağı xäbärçese, ikençe şartlaw turında söylägän şahidlär buluwın da telgä ala. France Press agentlığı da Ğiraq politsiäse mäğlümatlarına tayanıp, qunaqxanä yanında ike şartlaw buldı dip xäbär itä.

XS
SM
MD
LG