Accessibility links

якшәмбе, 4 декабрь 2016, Казан вакыты 02:59

Qıray fälästin premyerı bulıp tağın 3 atnağa ğına qalaçağın belderä


Ramalla. Äle genä fälästin premyer-ministrı itep bilgelängän Äxmät Qıray şuşı eşendä barı tik 3 atnağa ğına, yäğni ğädättän tış xökümät başlığı bulıp qına qalaçağın xäbär itte. Bügen Ramallada fälästin räsmi wäkilläre belän oçraşqanda ul, tağın öç atnadan soñ yaña xökümät tözeläçäk häm anı yaña premyer-ministr citäkläyäçäk dip belderde. Qıray bu urınğa ber atna elek kenä bilgelängän ide, läkin anıñ xökümät qoru häm anda kemnärne bilgeläw ölkäsendä fälästin räise Yäsir Arafat belän tirän qarşılıqlar buluwı açıqlandı. Ütkän atnada ul yaña xökümätneñ plannarın bäyän itergä tieş bulsa da, premyer monı kiçekterergä buldı. Xäzer ul barı tik 3 atnağa bilgelängän ğädättän tış xökümätne genä citäkläyäçägen belderä.

XS
SM
MD
LG