Accessibility links

Кайнар хәбәр

Liviä Fransiä belän kompensatsiägä ireşü kileşüwen waqıtında imzalıy almadı


Paris. Liviä, 1989-nçı yılda Afrika östendä ber fransuz oçqıçın şartlatu näticäsendä hälak bulğan 170 keşeneñ ğailälärenä kompensatsiä tüläw turında kileşügä waqıtında ireşä almadı, läkin ul monı tögälläw öçen yaña söyläşülär täqdim itä. Fransiänıñ tışqı eşlär ministrlığı, şul ğailälärneñ Liviä räsmiläre belän elemtäläre inde yañartıldı dip belderde. Hälak bulğan keşelärneñ ğailären wäkillek itkän şäxes süzlärenä qarağanda, söyläşülärne alıp barğan taraflar mondıy totqarlıqlarğa inde künekkän häm alar barıber, nindi dä bulsa ber uñay näticägä kilener dip uylıy. Haman da barğan söyläşülärdä Liviäneñ ğailälärgä küpme aqça birüwe häm anı niçek itep bülü mäs'äläse tikşerelä. Räsmi Paris, ägär dä Liviä hälak bulğan 170 keşeneñ ğailäsenä tieşle kompensatsiä tülämäsä, Berläşkän Millätlärneñ İminlek Şurasındağı fransuz wäkile, Liviädän xalıqara çikläwlärne aluğa qarşı tawış biräçäk dip kisätkän ide.
XS
SM
MD
LG