Accessibility links

җомга, 9 декабрь 2016, Казан вакыты 18:42

Äfğan xökümäte Qabulda çıqqan ber basmanı yaptı


Qabul. Äfğanstan xakimiate, küptän tügel genä prezident Xämit Qarzai citäklägän xökümät eşen tänqitläp mäqälälär bastırğan räsmi basmanı yabarğa buldı. Anıñ möxärrire Mirxäydär Motahar süzlärenä qarağanda, kiçä xökümättän gazeta çığarunı kiçekmästän tuqtatu turında kürsätmä kilgän. Ul, moña Qarzai xökümäten tänqitlägän mäqälälär bastıru säbäp bulıp tora dip isäpli. Äfğanstannıñ mäğlümat ministrı urınbasarı Abdul Xämit Möbärräz isä bu ğäyepläwlärne kire qağa, basma barı tik praktik säbäplärdän çığıp qına yabıldı dip belderä. Ul arada äfğan xakimiate, comğa könne Qandahardağı törmädän qaçqan 40-lap totqınnı totuda uñışqa ireşä almadı. Alarnıñ zur öleşen elekke Taliban suğışçıları täşkil itä dip belderelä. Taliban wäkile süzlärenä qarağanda, totqınnar törmädän, andağı saqçılarnı satıp alıp qaçqan.

XS
SM
MD
LG