Accessibility links

җомга, 9 декабрь 2016, Казан вакыты 22:18

İslam İlläre Konferensiäsendäge äğza illärneñ tışqı eşlär ministırları Ğıraqqa yardäm mäs''äläsen tikşerä.


İslam İlläre Konfrensiäseneñ atnakiç häm comğada Malayziäneñ yaña başqalası Putrajayada ütäçäk summitınnan elek 57 äğza ilneñ tışqı eşlär ministırları oçraştı.Cıyılışnıñ köntärtibendä Ğıraq, İzrael-Fälästin nizağı kebek mäsälälär tora. Möselman illäreneñ öç yıldan soñ ütäçäk berençe summitında Ğıraq mäsäläsendä urtaq fikergä kilüläre bik qıyın bulaçaq.

Kiläse 3 yılda İslam İlläre Konferensiäse belän Malayziä citäkçelek itä. Summittan elek cıyılğan tışqı eşlär ministırları oçraşuında möselmannar Ğıraqnı tözekländerü eşendä yardäm itergä wäğdälär birsä dä, ildä kem niçek itep tınıçlıq urnaştıraçaq bu turıda fikerlär berbersennän bik yıraq. AQŞ citäklägän koalitsiä köçläreneñ Ğıraqtan çığıp kitergä çaqırğan tawışlar işetelä.İslam İlläre KOnferensiäseneñ general sekretarı Abdelahed Belkeziz cıyınnnı açu çığışında (audio) Bez çit il köçläreneñ Ğıraqtan çığıp kitüen häm il belän BMOsınıñ idarä itüen taläp itäbez. Belkeziz Ğıraq xalqınıñ suverenlegen häm bötenlegen qazunuda yardäm itü bezneñ moral burıç, Ğıraq xalqı ğına üzeneñ yazmışı turında qarar birä ala, baylıqların vä tabiğıy çığanaqların kontrol xoquqı ğıraqlılarğa qaytarılırğa tieşdip söyläde. Ğomumän alğanda çit il xärbiläre Ğıraqtan çığıp kitergä tieş digän fiker bulsa da öy xuçası malayziä möselman illäre genä tınıçlıq saqlau eşlärenä qatnaşırğa häm Qıraq BMO qaramağına tapşırılırğa tieş digän fiker beyan itte. Ğıraq tışqı eşlär ministırı Zebari bez xalıqara tınıçlıq köçläre ilne tözekländerüdä yardäm itä ala digän qaraş belän kileşsäk tä , Ğıraq İdarä Şurası kürşe illärneñ xärbilär cibärüenä bik näzberek eş dip qarıy dide.Turkey AQŞ üteneçenä esasän Ğıraqqa ğäskärilär ciberergä riza buldı. Putrajayağa kilgän törk wäkilçelegeneñ ölkän räsmie Tahsin Burcuoğlu xärbilärebez kördlär uqmaşıp yäşägän tönyaq Ğıraqqa urnaştırılmayaçaq dip äytte. Waşington törek ğäskäriläreneñ urnaşu eşenä riza buluı öçen Ğıraq İdarä Şurasın künderergä tieş. Xabärlärgä qarağanda sumitta Pakstan prezidentı Pärväz Muşärräf İslam illäre Konferensiäsen üzgärtep qoru turında täğdim kertäçäk.Pakstan räsmie Osman Haydar süzlärençä oyışma möselman dönyasın wäkilçelek itergä, alarnıñ mänfäğätlären yaqlarğa häm könbatış dönyası belän mönäsäbätlärne rätkä salırğa tieş.Putrajayada möselman illären urtaçıl bulırğa,berberse belän xezmättäşlek itergä islamçı ekstermizmğa qarşı köräşergä çaqırular işetelsä dä, barlıq möselmannar urta yul belän kileşep betmi. Fälästin Azatlıq Oyışması politik qanatı citäkçese Al Qaddumi İzrael-Fälästin konfliktı qoral belän genä xäl qılına ala dip äytte. Ul barlıq möselman illären sumitta fälästin mäsäläsendä berläşergä çaqırdı.İslam İlläre Konferensiäseneñ cıyılışına qatnaşqan tışqı eşlär ministırları bugen İzraelneñ ütkän atnada Süriäne bombalauın häm fälästin territoriälärenä höcümnär oyıştıruın xökem itte. Bilgele bulğança ber atna elek İzrael Damask yaqınında İslamçı Cihadnıñ lagerın bombaladı dip däğwä itkän ide Damask isä ul sivil hedefne bombaladı dip äytte. Malayzianıñ yaña administrativ üzäge Putrajayadağı summitqa BMOnıñ general sekretarı K. Annan, Russiä citäkçese V.Putin qunaq bulıp qatnaşaçaqlar dip kötelä.

färidä xämit, praga
XS
SM
MD
LG