Accessibility links

сишәмбе, 6 декабрь 2016, Казан вакыты 21:04

Atna axırında Äfğänstanda bäreleşlär buldı


AQŞ xärbiläre äytüençä, uzğan atna axırında Äfğänstannıñ könçığışnda amerikan ğäskärläre utqa totılğannan soñ cawap utı açılğan häm yardämgä hawa köçläre çaqırılğan. Xärbilär wäkile mayor Richard Sater bu bäreleş şimbä könne Asadabadtağı AQŞ bazası yanında buldı dide. Mazari-Şäriftä ike üzara doşman äfğän xärbi citäkçese Atta Möxämmät belän Abdul Räşit Dostum uzara atışlarnı tuqtatu turında kileşkännän soñ şähärgä tınıçlıqnı saqlaw öçen Qabuldan 300-läp politsiä xezmätkäre kiterelde. Älege ike törkem arasındağı qatı atışlar näticäsendä küp keşe hälak bulğan. Soñğı aylarda xärbi xezmättän cibärelgän yözläp äfğän ofitserı üzlären kire eşkä alunı taläp itep bügen Qabulda protest çarası ütkärde. Kandahar törmäsennän uzğan şimbädä 41 totqın qaçqannan soñ törmä başlığı häm 25-30-lap xezmätkär eştän quıldı. Totqınnar Kandaharnıñ iñ imin törmäsennän 30 metrlı cir astı yulı qazıp qaçqan. Xäzer törmä xezmätkärlärennän totqınnarnıñ niçek itep iminlek çaralarına qaramastan qaçıp kitä aluı turında soraw alına. Törmädä 54 taliban totqınınıñ 13-e genä qalğan. Älegä qaçqınnarnıñ berse dä totılmağan.

XS
SM
MD
LG