Accessibility links

шимбә, 3 декабрь 2016, Казан вакыты 07:42

Xalıqara Atom Energiäse Oyışmasındağı İran wäkile İran Oyışma belän xezmättäşlekne arttırırğa äzer dip belderde


Räsmi İran gazetında basılğan belderüendä Ali Akbar Salehi Tähran aldağı atnalarda oyışma belän söyläşülärne tizlätü mäs'äläsen qarıy digän. Ul gazetağa, şulay uq, ildäge atom qorılmaların tikşerü öçen kiläse atnada İranğa yaña ber törkem kilüe kötelä digän. Salehi Xalıqara Atom Energiäse Oyışması başlığı Möxämmät Baradaynıñ İran oyışma taläplären bik aqrın üti digän ğäyepläwlären kire qağa. Oyışma İrannan 31 üktäbergä qädär ildäge atom programmasınıñ barı tik tınıç maqsatta ğına eşläwen dälilläwne taläp itä. Uzğan atnada İran prezidentı Möxämmät Xatami xökümät xalıqara cämäğätçelekneñ İrandağı atom programmasına bäyle borçıluların beteräçäk dide, ämma bernindi waqıt qısaları da quymadı. Bu turıda söyläşü häm İrannı 31 üktäber qısasına künderü öçen Baraday bu atnada Tähranğa kilä.

XS
SM
MD
LG