Accessibility links

якшәмбе, 4 декабрь 2016, Казан вакыты 04:53

İslam İlläre Konferensiäseneñ tışqı eşlär ministrları İzrail'neñ Süriägä häm fälestin cirlärenä höcümnären ğäyepläp çıqtı


Bügen Malaysiäneñ yaña başqalası Putracayada İslam İlläre konferensiäse oçraşuında qatnaşaçaq islam illäreneñ tışqı eşlär ministrları İzrail'neñ Süriägä höcümnären häm fälestin cirlärendäge ğämällären ğäyepläp çıqtı. Oçraşu pänceşämbe könne başlanaçaq. Bügen tışqı eşlär ministrları cıyıldı. Malayziä tışqı eşlär ministrı Säyed Xämit Albar İzrailneñ yaman xärbi kampaniäse töbäktä köç qullanunı arttıraçaq dide. Ramallada Fälestin premyer-ministrı Äxmät Qurai bu ay axırına qädär wazıyfasında qalırğa rizalaşıp bügen ğädättän tış xökümät oçraşuın citäkläde. Kiçä Qurai ğädättän tış xökümät möddäte tämamlanğançı üz wazıyfasında qalırğa rizalıq belderde. Gaza sızığındağı qaçaqlar lagerında İzrail' xärbiläreneñ höcümennän soñ yözlärçä fälestinle cimerelgän yortlarınıñ taşların cıya. BMO räsmie Peter Hanson Rafah qaçaqlar lagerına İzrail'neñ ike kön däwam itkän höcümnäre näticäsendä meñyarımlap fälestinle yortsız qaldı dide. Älege xärbi operatsiädä 8 keşe hälak buldı, distälärçä keşe yaralandı.

XS
SM
MD
LG