Accessibility links

Кайнар хәбәр

Yekaterinburgta Raxman mädräsäse yaña uqu yılın başlap cibärde


Yekaterinburg şähäreneñ Raxman mädräsäsendä yaña uqu yılı başlandı. Şähärneñ Ordjonokidze rayonı möselmannarı köçe belän taşlandıq mäktäp binasında urnaşqan mädräsä cäy buyı tırışıp tözekländerelgän, uqıtu bülmäläre çista, yaqtı, cılı. Uqıtu dürt sıynıfta alıp barıla. Här şimbä häm yäkşämbe könne biregä cide yäştän alıp citmeş yäşkä qädär bulğan yözgä yaqın möselman cıyıla. Citmeş ike yäşlek Naif ağa Äbüzärov äle biregä berençe tapqır kilep, namaz uqırğa öyränergä telägen beldersä, 10 yäşlek Abdulmotallib inde ikençe yıl bu mädräsädä belem ala. Unike yäşlek Nastyanıñ änise tatar, ätise rus ikän. Qatnaş ğäilädän buluına qaramastan, Nastya üzen möselman qızı dip sanıy. Änise yağınnan bulğan tuğannarınıñ yoğıntısı dip añlarğa buladır inde monı. Nastya tatar telen älegä belmi, ämma mädräsägä din sabaqların öyränergä bik teläp yöri.

Biregä berençe kilüçelär islam dineneñ tarixın, asılın öyränälär. Namaz uqu tärtibe, doğalar, ğäräp alfavitı da berençe yıl programmasında qaralğan. Yuğarıraq basqıçlarğa mengän san, uqıtu tağın da qatlawlana, citdilänä bara. Aña qarap şäkertlärneñ sanı kimemi, kiresençä, ata-baba dineneñ asılı belän qızıqsınuçılarnıñ sanı yıldan-yıl arta ğına bara.

Şunısı qızıqlı, ütkän yıl mädräsäne tämamlap tanıqlıq aluçılarnıñ qayberläre bu yıl tağın tıñlawçılar bulıp yörilär. Andıylarnıñ berse bulğan Gölçirä apa äytüençä, ğäräp cirendä uqıp qaytqan Äbübäker xäzrät däreslären xalıq yotlığıp, awız açıp tıñlıy. Şulqädär mawıqtırğıç, qızıqlı itep alıp bara ikän ul däreslärne. Namazğa elek kitaptan üzlegennän genä öyränep basqan Gölçirä apa mädräsäneñ eşläwenä söyenep betä almıy:

Törle yaqtan qısularğa, awırlıqlarğa qaramastan, xalıqnıñ ruxi ixtıyaclarına waqıtların da, köçlären dä jällämiçä çın küñellären birep biredä eşläp yörüçe möğallimnärgä bik räxmätle xalıq. Xoday yärdäm birsen alarğa.

Fäwiä Safiullina. Yekaterinburg.
XS
SM
MD
LG