Accessibility links

пәнҗешәмбе, 8 декабрь 2016, Казан вакыты 15:00

Aİ: İzraelneñ fälästin yortların cimerüe suğış cinayäte bulıp tora


Üzäge Londonda urnaşqan xalıqara xoquq yaqlau oyışması Aİ(Amnesty İnternational ),İzrael armiäseneñ okupatsiä astındağı territoriälärdä başbaştaqlarça fälästin yortların cimerüen, sivil milekne yuq itüen xökem itep, bu ğämäl Jeneva Konvensiäsen bozu, suğış cinayäte bulıp tora dip belderde

Amnesty İnternational 13nçe yktäberdä yasağan belderüendä İzrael armiäseneñ Gaza Sızığında Rafah mohacirlar lagerında küp sanda yortnı cimerep , yözlärçä keşe,şulsanda küp kenä bala çağa häm olı yäştäge keşelärne uramda qaldıruın kisken räweştä xökem itte. Qabatlanğan bu ğämäl, İzrael armiäseneñ başbaştaqlarça sivil yort ,milekne cimerüe xalıqara keşe xoquqları , humanitar qanunnı ayrım alğanda Jeneva konvensiäseneñ 33 häm 53nçe maddälären bozu bulıp tora. Bu isä suğış cinayäte sanala dip äytelgän Amnesty İnternational belderüendä 10-12nçe üktäber arasındağı sonğı dulqın cimerülär,sonğı yıllarda İzrael armiäseneñ distälärçä yıl okupatsiälägän territoriälärdä alıp barğan häm köçlänä barğan säyäsäteneñ ber öleşe bulıp tora.Sonğı 3 yılda armiä Könbatış Üzäne häm Gaza Sızığında fälästinnärneñ 4meñ yortın cimergän kebek ,küp kenä çäçüleklärne , yözlärçä fabrika, zavod , sävdä, cämäğätçelek binaların , yulllarnı cimerde yuqqa çığardı.İzrael xakimiätläre iminlek operatsiäläreneñ uñışlı buluı öçn fälästin yortları häm başqa milekne cimerü zarur, xalıqara humanitar zakon moña röxsät itä dip däğwä itep kilä.Ämma Aİ başqa oyışmalar , şulsanda İraelneñ xökümättän bäysez oyışmalarınıñ ütkärgän tikşerenülär , milek häm yortlarnı cimerü, fälästin qorallı törkemnäreneñ oyıştırğan höcümnär öçen cirle xalıqnı kümäk cazalau buluın kürsätä.İzrael räsmiläre fälästin qorallı törkemnäre Misırdan Gazağa qoral kiterü öçen 3tünel qullana digän sıltau belän şul tirädäge 100dän artıq yortnıñ cimerelüen aqladı.Ämma qorallar tabılmadı.İzrael xakimiätläre tünelllär tudırğan qurqınıçnı, ni öçen sivil xalıqnıñ tormışın kisätmi, yäzlärçä fälästinlene yortsız qaldırmıy başqa yullar belän xäl qılmauın älegä qädär añlatmadı.Armiä, fälästinnär cimerelgän yortlar, yäğni harabälärne izralle soldatlarğa ut açu öçen qullana dip däğwä itsä dä, elek şul yortlarda toruçılar atışlarğa yäki qorallı qarşılıq kürsätügä qatnaşa dip äytmäde. Armiä sonğı 3 yılda Rafahta qoral kontrabandası yasalğan 70 tünel faş itte dip belderde häm şul waqıt eçendä meñnnän artıq yortnı cimerde.Amnesty international üze ütkärgän tikşerenülär küp kenä oçraqlarda armiäneñ zarur xärbi operatsiä digän säbäben aqlamıy, başbaştaqlarça cimerü qanunsız häm suğış cinayäte bulıp tora dip belderä.Aİ, İzrael xakimiätlären fälästinnärneñ yortların başqa milekne cimerü praktikasın häm xalıqnıñ uqmaşıp yäşägän urınnarda çiksez köç qullanunı şunduq tuqtatırğa çaqıra, Aİ şulayuq belä torup izraelle sivil keşelärne ütergän qorallı fälästin törkemnären xökem itä häm alarnıñ ğämällären keşeçelekkä qarşı cinayät dip bäyälep bu praktikanı şunduq tuqtatırğa çaqıra.

färidä xämit, praga
XS
SM
MD
LG