Accessibility links

Кайнар хәбәр

Äfğänstan BMOnıñ ISAF Köçlären başqala Qabuldan cittä dä urnaştıru qararın xupladı


BMOnıñ Äfğänstan wäkile Manoel de Almeida e Silva BMOnıñ kiçä bertawıştan Äfğänstandağı Xalıqara İminlek Yardäme Köçlären başqala Qabuldan cittä dä urnaştıru turında qarar çığaruın xuplap çıqtı. Ul älege köçlärne Äfğänstannıñ başqa öleşlärendä urnaştırunı kiçektermäskä häm alarnı artıq çiklängän itmäskä çaqırdı. Rusiä tışqı eşlär ministrlığı BMOnıñ bu qararı Äfğänstan suverenlığı nığıtaçaq dide. Äfğänstan töbäklärenä Xalıqara İminlek Yardäme Köçläreneñ berençe törkeme Germaniädän kiler dip kötelä. Bu il Äfğänstannıñ tönyağındağı Qondız şähärenä 450-läp soldat cibärergä teläwen belderde. Xäzer Qabuldağı 5500 keşelek Xalıqara İminlek Yardäme Köçläreneñ küpçelegen Germaniä häm Kanada xärbiläre täşkil itä. Elegräk Qondızdağı küzläw eşläre başlığı Abdul Xämit Balxi xalıqara köçlärneñ tizräk kilüen kötüe turında äytep alar belän xezmättäşlekkä äzer buluın beldergän ide. Äfğänsta politsiäse äytüençä, Äfğän köçläre AQŞ soldatları häm boralaqlar yardämendä Äfğänstannıñ könyağındağı Uruzgan töbägendä Taliban köçläre sıyınğan urınğa höcüm itkän. Kiçä bu bäreleşlärdä 1 äfğän xärbie häm 4 taliban suğışçısı hälak bulğan. Atışlar bügen dä däwam itä dielä.
XS
SM
MD
LG