Azärbäycanda irtägä ütäçäk prezident saylawlarında agitatsiä kampaniäse räsmi räweştä tämamlandı. 15 üktäberdä 4 millionnan artıq tawış birüçe 8 namzät arasınnan ilneñ yaña citäkçese saylıyaçaq. Xäzerge prezident Heydar Aliev awıru säbäple bu ay başında prezidentlıq köräşennän çigenep tarafdarların üz ulı, premyer-ministr İlham Alievqa tawış birergä çaqırdı. 41 yäşlek İlham saylawlarda ciñep çıqqan oçraqta, atası yulınnan barırğa wäğdä birep, yulnı üzgärtü ilne faciğägä iltäçäk dide:
AUDİO: Bu säyäsätne nigä üzgärtergä? Ägär dä xalıqnıñ tormış şartları yaxşıra bara ikän, ägär bez yarlılıqqa qarşı köräşäbez ikän, ägär inflätsiä däräcäse 2 protsent ikän, säyäsätne üzgärtergä nindi säbäp bula ala? Üzgärtü öçen ber säbäp tä yuq. Anı däwam itü öçen yaxşı säbäp bar häm min Azärbäycan xalqı döres qarar qabul itär dip ışanam.
Oppozitsion namzätlär Azärbäycan xakimiätlären tawışlarnı sanağanda xärämläşergä cıyınuda ğäyepli. Alar Azärbäycan saylawçılarınıñ zur küpçelege bezne yaqlıy, ägär dä saylawlar irekle häm ğädel bulsa İlham Aliev ciñeläçäk dip täqrarlıy. New Yorkta terkälgän Human Rights Watch keşe xoquqların yaqlaw oyışması kiçä İlham Alievnı häm anıñ törkemen saylaw aldı kampaniäsendä manipulätisälär qullanuda ğäyepläde. Uzğan atnalarda törle xalıqara oyışmalar Azärbäycanda saylaw alda kampaniäse barışında borçılu belderde.
AUDİO: Bu säyäsätne nigä üzgärtergä? Ägär dä xalıqnıñ tormış şartları yaxşıra bara ikän, ägär bez yarlılıqqa qarşı köräşäbez ikän, ägär inflätsiä däräcäse 2 protsent ikän, säyäsätne üzgärtergä nindi säbäp bula ala? Üzgärtü öçen ber säbäp tä yuq. Anı däwam itü öçen yaxşı säbäp bar häm min Azärbäycan xalqı döres qarar qabul itär dip ışanam.
Oppozitsion namzätlär Azärbäycan xakimiätlären tawışlarnı sanağanda xärämläşergä cıyınuda ğäyepli. Alar Azärbäycan saylawçılarınıñ zur küpçelege bezne yaqlıy, ägär dä saylawlar irekle häm ğädel bulsa İlham Aliev ciñeläçäk dip täqrarlıy. New Yorkta terkälgän Human Rights Watch keşe xoquqların yaqlaw oyışması kiçä İlham Alievnı häm anıñ törkemen saylaw aldı kampaniäsendä manipulätisälär qullanuda ğäyepläde. Uzğan atnalarda törle xalıqara oyışmalar Azärbäycanda saylaw alda kampaniäse barışında borçılu belderde.
