Törkiä premier ministırı Recep Tayyip Erdoğan sişämbedä Bagdadta törek ilçelegenä yasalğan höcümne xökem itsä dä,(audio) bez intihar höcüme belän Törkiäneñ Ğıraqqa ğäskär cibärü qararı arasında bağlanış buluın kire qağabız bez monı Ğıraqtağı uñay täräqiätlärgä qarata reaksiä bularaq qabul itäbez ,terror aksiäläre tınıçlıq urnaştıruda yardäm itä almıy,terror aksiäläre ber genä ilgä dä bäxät tatulıq kiterä almıy. Erdoğannıñ bu fikere belän her kem kileşep betmi.Bagdadtta AQŞ xärbi süzçese polkovnik Peter Mansoor minemçä insident turıdan turı Ankaranıñ Ğıraq säyäsäte belän bäylängän dip belderde. Törek citäkçelege arasında da premier fikere belän kileşmäüçelär bar. Misal öçen parlamentnıñ tışqı mäsälälär komitetı räise Mehmet Dülger ilçelekne bombalaunı , törek xärbiläreneñ Ğıraqqa kilüenä qarşı buluçılarnıñ provakatsiäse dip bäyäläsä dä , ul Ankaranı bu waqıyğä qurqıtmıy,bez ğäskär urnaştıru plannnarın ğämälgä quyırğa däwam itäçäkbez dip äytte. Bağdadtağı törek ilçese Paksüt tä Dülgär kebek höcüm Törkiäneñ yäklämälären üzgärtmi, bez Ğıraqta stabillıq , mullıq häm täräqiät öçen tırışaçaqbız dide.Erdoğannıñ AK partiäse Ğıraqta AQŞnı yaqlağan öçen törek cämäğätçelege tarafınnan nıq tänqitlänä.Fiker beleşülär töreklärneñ Ğıraqqa ğäskär cibärügä qarşı buluın kürsätä.BMO mandatı bulmıy Ğıraqqa ğäskär cibärügä qarşı bulğan prezident A. Sezer kiçä Malayziädäge İslam illäre Konferensiäseneñ summitına kitkänçe Parlament xökümätkä xärbilär cibärü röxsäten birsä dä bu äle alar cibäreläçäk digän süz tügel dide. Ankara vä Waşingtondağı räsmilär törek ğäskäriläre Ğıraqqa cibärelgänçe waqıt ütäçäk dip söyli. Törkiä tönyaq Ğıraqta yäşrengän häm iminlegenä qurqınıç tudırğan körd PKK suğışçılarına qarata Quşma Ştatları konkret çaralar kürergä tieş dip taläp itä. Küräsen Waşington AQŞ xärbiläre PKKğa qarşı xärbi çaralar küräçäk digän garantiäne Ankarağa birä almadı. ''Defense News'' isemle amerikan jurnalı 7nçe üktäber sanında amärikan räsmilärenä tayanıp G.Bush administratsiäse öçen älege waqıttta PKK töp prioritet tügel dip yazıp çıqqan ide. Törkiä general ştab başlığınıñ urınbasarı İlkär Başbuğ tönyaq Ğıraqtan ütep baraçaq törek xärbilärenä kördlär ut açsa , bez alarğa cawap qaytaraçaqbız dip belderde. Ğıraqnıñ könyağı urtasında arta barğan totrıqsızlıqnı küzdä totqanda, Waşington Törkiä Ğıraq çigendä wazğiätneñ naçarlanuına röxsät itmäs dip uylarğa kiräkter. Däwlät departamentı süzçese jurnalistlarnıñ bu turıdağı soraularına Törkiäneñ Ğıraqqa ğäskär cibärü mäsäläse söyläşelä, töreklär uñay rol uynıy ala ämma älegä yañalıq yuq dip kenä äytä. Çınbarlıqta Bush administratsiäse Ğıraqtağı berektäşlären, regiondağı illärne Törkiä xärbilären qabul itüläre öçen künderergä tırışa.Ämma Waşingtonnıñ Bagdadta saylap utırtqan idarä şurası äğzaları Malayziädä barğan cıyında bugen dä Törkiä yäki başqa kürşe ildän xärbilär telämibez dip bik açıq itep äyttelär.Prezidentnıñ Milli iminlek mäsälälärendäge kiñäşçese G.Rice da kiçäge çığışında töräk xärbiläre bik näzberek mäsälä, bu eş niçek bulıp beter älegä belmibez kebek süzlär qullandı. Waşington Törkiä parlamentı mäsäläne tawışqa quyıp 2 säğät eçendä raslar dip kötmägänder. Xäzer Ankara belän Waşington urtaq tel tabırğa tieş bulaçaqlar.
färidä xämit, praga
färidä xämit, praga