Accessibility links

чәршәмбе, 7 декабрь 2016, Казан вакыты 11:39

Yewropa Berlege Gaza Sızığında 3 amerikalını ütergän bomba şartlawı uñayınnan tikşerü başlarğa çaqırdı


Berlekneñ tışqı säyäsät öçen cawaplı ölkän wäkile Javier Solana bu höcümne ğäyepläp çıqtı häm şartlaw öçen cawaplılarnı kiçekmästän qulğa alırğa kiräk dide. Köçle şartlaw näticäsendä Quşma Ştatlarnıñ diplomatik maşinası kisäklärgä tarqalğan, 3 amerikan hälak bulğan, beräw yaralanğan. Fälestin suğışçan törkemnäre Hamas belän İslamçı Cihad bu höcümgä qatnaşlıqları bulmawın belderde. Älegä beräw dä cawaplılıqnı üz östenä almadı. Fälestin citäkçese Yassir Arafat bu höcümne ğäyepläp çıqtı. Fälestin premyer-minsitrı Äxmät Qurai bolay dip çığış yasadı:

AUDIO: Bez bügen Erezda Amerikan diplomatlarına qarşı ğämälgä bik tirän qızğanıç belderäbez. Bez monı qatı ğäyeplibez. Bez anda üterelgännärneñ ğailäläreneñ qayğısın urtaqlaşabız. Häm yaralanğannarnıñ bik tiz arada sälamätlänüenä ömetlänäbez.

Qurai bu uñaydan tikşerü ütkärergä wäğdä birde. Tel Avivtağı AQŞ ilçelege Gaza Sızığındağı barlıq amerikannarğa annan kitärgä kiñäş itä häm Könbatış Yardağı amerikannarnı höcümnär bulu mömkinlegennän saq bulığız dip kisätä.

XS
SM
MD
LG