Accessibility links

җомга, 9 декабрь 2016, Казан вакыты 16:44

İran üzeneñ atom programmasına bäyle şiklärne beterergä wäğdä birä


Xalıqara Atom Energiäse Oyışması başlığı Möxämmät äl-Baraday İran xakimiätläre Tährannıñ atom programması turında barlıq sorawlarğa da açıqlıq kertü turında ışandırdı dip belderde. Tähranda İrannıñ iminlek mäs'älläre turında qararlar çığaruçı iñ yuğarı oyışmasınıñ sekretare Xäsän Ruhani belän söyläşülärdän soñ Baraday bolay dide:

AUDİO: Bügenge oçraşu bik yaxşı buldı. Anda töp iğtibar noyäberdä Atom oyışması şurasına kiläse xisapnı tapşıruğa qädär barlıq mäs'älälärne dä çişü öçen xezmättäşlekne tizlätügä bağışlandı.

Ul İranlılarnı atom qorılmaların tikşerü turında östämä protokolnı imzalarğa çaqırdı ämma bu turıda bernindi wäğdägä dä ireşä almadı. Xalıqara Atom Energiäse Oyışmasındağı İran wäkile Ali Akbar Salehi aldağı könnärdä xezmättäşlekne arttırırğa wäğdä birde. İran 31-nçe üktäbrgä qädär BMOnıñ atom energiäse oyışmasına yäşeren räweştä atom qoralı yasarğa tırışmawın dälillärgä tieş.

XS
SM
MD
LG