İtaliä tışqı eşlär ministrı Franco Frattini Yewropa Berlege citäkçeläre bügen irtän Berlek konstitutsiäse turındağı depatlarda möhim mäs'ällärneñ küpçelege turında söyläşep tärräqiätkä ireşte dide.
Bu söyläşü Brüssel'dä Yewropa Berlegeneñ 2 könlek sammitı başlanır aldınnan buldı.
Berlek äğzası bulğan 15 häm yaña qabul itelüçe 10 ilneñ citäkçeläre qatnaşqan bu oçraşuda iqtisad, saqlanu häm möhäcirlek mäs'äläläre qarala.
Namzät illär Bolğarstan, Rumıniä häm Törkiägä bu oçraşu turında mäğlümät irtägä bireläçäk. Frattini äytüençä, Berlek citäkçeläre xäzerge küçmä prezidentlıq tärtiben öleşçä saqlap qalu turında kileşkän.
Ämma härber ilneñ dä tawış birü qoquqına iä Yewropa Komissionerı bulu bulmaw mäs'äläse häm İspaniä belän Pol'şanıñ tawış birüdä çağıştımaça zurlıqlarına turı kilmäwçe zurraq xoquqlar taläbe açıq kileş qala.
Xäzerge waqıtta Berlektä prezidentlıq itüçe İtaliä noyäbr axırlarında konstitutsiä turında ğädättän tış oçraşu ütkärep bu söyläşülärne dikäber ayında tämamlarğa teli.
