Accessibility links

җомга, 9 декабрь 2016, Казан вакыты 01:05

Azärbäycanda prezident saylawlarınnan soñ bäreleşlär buldı


Azärbäycan başqalasında prezident saylawları näticälärenä protest belderüçe oppozitsion demonstratsiäçelär belän militsiä arasındağı bäreleşlärdä ike keşeneñ hälak buluı turında xäbär itelä. Hälak buluçınıñ berseneñ tuğanı söyläwençä, 52 yäşlek bu keşe militsiä belän bäreleştä alğan yaralarınnan xastaxanädä ülgän. Qorbannarnıñ ikençese yäş keşe. Azärbäycan Üzäk Saylaw Komissiäse belderüençä, bülletennärneñ sanalğan 94 protsentına qarağanda, xäzerge prezident Häydär Alievnıñ ulı İlham Aliev 79 yarım protsent tawış ciğan. Anıñ töp köndäşe, Musavat Partiäse citäkçese İsa Ğämbär 12 prosent qına cıya alğan. Ämma oppozitsiä xakimiätlärne xärämläşüdä ğäyepli. Yewropa İminlek wä Xezmättäşlek Oyışması wäkile Urdur Gunnarsdottir oyışma küzätüçeläre saylawlar tärtiben bozu oçraqlarına şahit buldı dide:

AUDİO: Saylawlarda küpsanlı xärämläşü, qurqıtu, tawış birü urınnarında öyrätep toru, räsmi raslanmağan küzätüçelär häm başqalar häm başqalar buldı.

Bügen Baqı üzägendä politsiä belän bäreleşlädä Musavat tarafdarları politsiägä taşlar attı. Jurnalistlar politsiäneñ cirgä yığılğan, qanğa batqan demonstratsiäçelärne qıynawı turında xäbär itä.

XS
SM
MD
LG