Accessibility links

якшәмбе, 4 декабрь 2016, Казан вакыты 03:05

İslam konferensiäse oyışması utırışında Tatarstan isemennän Färit Möxämmätşin qatnaştı


İslam konferensiäse oyışması utırışına Rusiä prezidentı Vladimir Putinnıñ kitüe xaqında xäbär itmägän mäğlümat çarası qalmadı buğay. Räsmi çığışlarda äytelgänçä, anıñ belän bergä möselmannar yäşägän berniçä respublika citäkçese dä bardı. Başqortstan prezidentı Mortaza Räximov, Qabar-Balqar respublikası citäkçese Valeriy Kokov, Çäçän prezidentı Äxmät Qadirovnıñ baruı xaqında äytelde, ämma Tatarstan wäkile Färit Möxämmätşinıñ da anda buluı turında xäbär itüçe bulmadı. Tatarstan prezidentı Mintimer Şäymiev yalda bulu säbäple, respublika isemennän Malayziägä Däwlät Şurası räise kitte. Pänceşämbe könne «Azatlıq» radiosına birgän eksklyuziv intervyusında Färit Möxämmätşin konferensiädä alğan tä’sirlär belän büleşte. Anıñ äytüençä, anda alarnı yaxşı qarşı alğannar. Konferensiädä yasalğan çığışlar da aña uñay tä’sir itkän. Färit Möxämmätşin, äytüençä, Tatarstan respublikası wäkile bularaq aña çit il jurnalistları aldında küp tapqır çığış yasarğa turı kilgän. Ul bu konferensiädä qatnaşunı däräcäle häm faydalı dip sanıy.

Bikä Timerova, Qazan.

XS
SM
MD
LG