Accessibility links

дүшәмбе, 5 декабрь 2016, Казан вакыты 13:33

Yevropa Berlege xärbi bäysezlekkä omtıla


Yevropa Berlegeneñ ''yevro armiä'' buldıru plannnarı Quşma Ştatlarında tönyaq Atlantik berektäşlegen zäğiflätäçäk digän borçıluğa säbäp bulıp tora. Brüsseldä NATO ilçeläreneñ şaqtıy qızu ütkän cıyılışında Amerika wäkile N.Burns Yevropa Berlegeneñ kübräk xärbi aftonomiägä omtıluı berektäşlekneñ kiläçäge öçen qurqınıç tudıra dip bu turıda düşämbedä aşığıç cıyılış ütkärergä çaqırdı.

Diplomatlarnıñ atnakiçtä äytüenä qarağanda, NATO ilçeläreneñ oçraşuında AQŞ belän Yevropa illäre arasında , Berlektäge qayber äğzalarnıñ Tönyaq Atlantik Berektäşlegennän bäysez xärbi struktura oyıştıru planı mäsäläsendä qızu bäxäslär bulğan.Waşington Yevropa Berlegendäge qayber illärneñ saqlanu mäsäläsendä yaqın xezmätäşlek itü tırışlıqların tuqtatuı öçen, yaqın berektäşe premier Tony Blairğa qatı basım yasıy .AQŞ ilçease Nicholas Burns Fransiä häm Germaniäneñ başlatqan inisiativanı NATOnıñ kiläçägenä in zur qurqınıç dip taswirlağan.Waşington Yevropa Berlegeneñ saqlanu plannarı turında açıqça söyläşelsen dip basım yasıy.Çönki ul plan Atlantik Berektäşlegeneñ yevropa iminlegeneñ garantı rolen qaqşatır dip borçıla.Ğıraq suğışına qarşı bulğan Fransiä,Germaniä Belgiä häm Lüxemburg aprel sumitında berlekneñ xärbi planlaştıru üzägen Brüssel bistälärendä urnaştıru turında kileşkän ide. N.Burns bu täqdimne NATOnıñ kiräkmägän kopyası bulaçaq häm AQŞ östenlek itkän berektäşlekkä qurqınıç tudıraçaq dip tänqitläp kilde.Diplomatlar äytüenä qarağanda 3 atna elek Berlindä Fransiä, Germaniä häm Britaniä citäkçeläre oçraşıunda premier Blair quartet planına qarata opozitsiäsen öleşçä yomşarta töşkäç Waşington häväf çannarın qağa başlağan. Yevropalı diplomatlar Amerikannnarnıñ basımı qatı, alar Britaniä häm Berlekkä namzät illärgä ütmäskä tieşle sızıqnı kürsätergä tırışa dip söyli.Britaniä älegäçä Berlekneñ xärbi planlaştıru üzägen dä qabul itmäde. Fransiä citäkçese J,Chiraq bugen Brüseldä ütkärgän press konferensiädä (audio) bezneñ britan duslarıbız Yevropa xärbiläreneñ planlaştıru häm başkavartirasın buldıruğa saqlıq belän qarıy.Bez alar belän söyläşergä däwam itäbez. Ämma bez planıbıznı ğämälgä quyarğa tieşbez çönki bez saqlanu säläte bulmağan Yevropa bula almıy dip qarıybız, ul här kemgä açıq häm bezneñ NATO yöklämälärenä kileşle. Brüssel sumitında qatnaşqan Britaniä premiere Blair mätbuğat oçraşuında min NATOnı ber qayçan da qurqınıç astına quymayaçaqmım, ütkän yıl azağında mine beräü dä AQŞnıñ yaqın dustı nıq berektäşe tügel dip ğäyepli almaz ide. Ämma min Britaniä häm Yevropa häm dä Amerika belän nıq mönäsbätlärdä torırğa tieş dip ışanam, qayber keşelär Mine Yevropadan , qayberäüläre AQŞtan tartıp alırğa teli . Minem premierlegem waqıtında bez här ikese belän dä bik yaqın toraçaqbız dip äytep bolay dide (audio) Britaniä NATO berektäşlege öçen söyli ikän anı xalıqnıñ zur öleşe şulsanda Fransiä belän Germaniä dä yaqılıy, sonğı çiktä yevropanıñ saqlanuı NATOğa köndäş bulsa , anıñ kiläçäge yuq Ul NATOğa tulısınça kileşle bulsa ğına eşkä yarayaçaq. T.Blair NATOnıñ saqlanu mäsäläsendä nigez taşı bulıp qaluın AQŞnıñ kiräk kürgän operatsiälär öçen NATOnı qullanuın , ämma qayber oçraqlarda misal öçen xäzer Makedoniedä bulğan kebek Waşington tege yäki bu säbäptän anda qatnaşırğa telämäsä , Yevropa üz başına aktivlıq alıp baru säläte iä bulırğa tieş .Yäğni Amerikanıñ qatnaşırğa telämägän urınnarda Yevropa eş itergä tieş bulaçaq. Şulay Yevropa Berlege uratq aqça berämlege Yevro kebek här kemgä açıq bulğan saqlanu törkeme buldırmaqçı .Yevropalı säyäsätçelär berlekneñ iminlek vä saqlanu politikası NATO belän konflikt xälendä bulmaçaq digän garantiälär birä xäzerdän ük.

färidä xämit,praga
XS
SM
MD
LG