Accessibility links

шимбә, 10 декабрь 2016, Казан вакыты 00:14

Möxämmät Xatami Tähran atom qoralı yasarğa cıyınmıy dip belderde


Malayziädä İslam İlläre Konferensiäse cıyınında qatnaşuçı İran prezidentı Xatami ğömümi cıyınnan cittä yasağan çığışında İran BMOnıñ Atom Energiäse İdaräse belän xezmättäşlekne däwam itäçäk dide. Şul uq waqıtta ul Atom İdaräseneñ taläpläre ğädel tügel dip tä äytte. Xatami şulay uq İran Atom İdaräsenä kötelmägändä İrannıñ atom qorılmaların kilep tikşerü wäkalätläre birüçe östämä protokolnı imzalaw mömkinlegen kire qaqmıy dip belderde. İran prezidentı Tähran tınıç maqsatlar öçen üzeneñ uran tuplanmasın bayıtunı däwam itü xoquqına iä dide. Xalıqara Atom Energiäse İdaräse 31 üktäbergä qädär İrandağı atom programması turındağı barlıq sorawlarğa da cawap birüne taläp itä. İdarä başlığı Möxämmät äl-Baraday bu atnada Tährandağı oçraşular barışında İran räsmiläre älege taläpne ütärgä wäğdä birde dide.

XS
SM
MD
LG