Accessibility links

якшәмбе, 4 декабрь 2016, Казан вакыты 13:09

Britaniä häm Fransiä citäkçeläre Ğiraq turındağı rezolütsiäne bertawıştan qabul itüen xuplap çıqtı


Britaniä häm Fransiä citäkçeläre BMO İminlek Şurasınıñ Ğiraqnı tözekländerüdä kübräk däwlätlärneñ ğäskärlär häm aqça belän yardäm itüenä çaqıruçı rezolütsiäne bertawıştan qabul itüen xuplap çıqtı. Britaniä premyer ministrı Tony Blair 1511-nçe rezolütsiä xalıqara cämäğätçelek öçen yaxşı yañalıq, ämma ğiraqlılar öçen tağın da yaxşıraq dide. Chirac Yewropa Berlege citäkçeläre Ğiraq turında äle dä kileşmi, ämma andağı wäzğiätne yaxşırtu öçen urtaq front bulıp berläşü turında kileşte dide.

AQŞ xärbiläre äytüençä, uzğan töndä Ğiraqnıñ Kerbala şähärendä bilgesez keşelär 3 amerikan xärbien häm ike Ğiraq politsiä xezmätkären ütergän. AQŞ leytenant polkovnigı George Krivo xällär Kerbala mäçete yanında buysınmawçı köçlär cıyıluı belän başlanıp kitte dide:

AUDİO: Atışlarnı buysınmawçı köçlär başladı. Bu cenazadan soñ beräw kilep mäçet qarşındağı yulda keşelär cıyıluın xäbär itkännän soñ başlandı. Ğiraq politsiäse häm koalitsiä xärbiläre moña cawap birde.

Soñraq Bağdadta yulğa quyılğan mina şartlawdan tağın ber amerikan soldatınıñ hälak buluı, 2 soldatnıñ yaralanuı turında xäbär kilde. AQŞ prezidentı George Bush 1 mayda qatı bäreleşlärneñ tämamlanuın iğlan itkännän soñ Ğiraqta barlığı 101 amerikan soldatı üterelde.

XS
SM
MD
LG