Accessibility links

пәнҗешәмбе, 8 декабрь 2016, Казан вакыты 23:20

Tatarstan militsionerları Çeçnyadan qayttı


Respublikanıñ Eçke eşlär ministrlığı süzlärençä, 16nçı oktäber könne Qazanğa Çeçnyadan Tatarstan militsionerları qayttı. Alar Gudermesta 6 ay xezmät ittelär. Qaytqan Eçke eşlär ministrlığı xezmätkärläre urınına 12nçe oktäber könne respublikadan 140 militsioner inde kitkän ide. 16nçı oktäber könne Tatarstannıñ Yuğarı mäxkämäse utırışı uzdı. Anda respublikanıñ prokurorı wazifaların başqaruçı Vladimir Metelinnıñ ğarizası qaraldı. Ul Tatarstannıñ Wöcdan irege häm dini berläşmälär turındağı qanunı Rusiänekenä turı kilmi dip sanıy. Ayırım alğanda, qanunda respublika grajdannarı törle dinne totarğa xaqlı dip äytelgän. Bu, prokuror fikerençä, Rusiä grajdannarınıñ xoquqların boza. Yuğarı mäxkämä bu fiker belän kileşte. Şulay uq qanunda dini berläşmälärne terkäwçe oyışmalar xaqında da üzgäreşlär kertelde. Tatarstan aviakompaniäse dä cirle aviatsiä sänäğätenä bulışırğa niätli. Finans lizing kompaniäse belän bergälektä älege aviakompaniä lizingka ike TU-214 oçqıçın satıp alırğa buldı. Xäzer älege alarda 24 oçqıç isäplänä.

XS
SM
MD
LG